[A:299]lags zhes zhus pa dang / chos kyi rje'i zhal nas/ yi ge dang skad la sogs pa 'di dag 'di tsam na shes kyin 'dug /'di tsam na mi shes 'dug bya ba ni kho bos kyang mi shes te/ 'on kyang 'di la ni yon tan 'di dag dang / 'di bas ches smad du byung ba du ma mnga' ste/ de dag thams cad lhun gyis grub pa'o zhes gsungs la/ de nyid kyis mdzad pa'i sdeb sbyor gyi bstan bcos las/ mkhas pa la la mtsho bzhin ngang gis 'du/ /la la rgyal po'i bu bzhin lhun gyis grub/ /ces gsungs pa yang don de nyid la dgongs pa yin no/ /de ltar bdag nyid chen po 'di ni gzhon nu nyid nas mkhyen rab phun sum tshogs shing chos kyi mnga' bdag chen por gyur pa yin la/ /dgung lo gsum bzhes pa'i dus na kye'i rdo rje'i sgrub thabs mtsho skyes rdo rjes mdzad pa la sogs pa dang / gzhan yang gsang sngags kyi chos zab mo du ma gsungs pas 'gro ba mang po'i rgyud smin cing grol bar mdzad do/ /de'i tshe skye dgu thams cad shin tu ngo mtshar bar gyur to/ /thams cad kyis tshigs mthun par 'di ni phal pa ma yin te/ so so skye bo la 'di lta bu'i rnam par thar pa ga la 'byung / 'di ni nges par 'phags pa'o zhes phyogs thams cad du sgrogs par gyur to/ /de'i dus kyi chos khri ni dad pa can rnams kyis phyag bya ba'i gnas da dung yang yod do/ /de nas dgung lo bzhi pa dang / lnga pa dang / drug pa dang / bdun pa dag la ni mkhyen rab kyi dbang phyug paNDi ta nyid la mnga' ba'i dbang dang / byin rlabs kyi bka' du ma dang / man ngag dang / zab pa dang / rgya che ba'i chos kyi sgo du ma gsan zhing khong du chud par mdzad la/ gzhan dag la yang rgya cher ston par mdzad do/ /de nas dgung lo brgyad pa la ni chos kyi rje nyid kyis sngon du 'gro ba'i chos kyi 'khor lo rgya chen po bskor bar mdzad pa la/ dbus gtsang gi dge