[A:309]bzhi'i las tshogs kyi man ngag /mngon spyod kyi dus nges par bstan pa/ 'byung po thams cad kyi gtor ma'i cho ga /maNDal gyi cho ga rnams gsan no/ /yang slob dpon de nyid las/ rdo rje phreng ba'i lugs kyi bcom ldan 'das 'khor lo bde mchog lha drug cu rtsa gnyis kyi dkyil 'khor du dbang bskur ba dang / ngan song thams cad yongs su sbyong ba kun rig rtsa ba'i dkyil 'khor du dbang bskur ba dang / rje btsun bdag med lha mo bco lnga'i dbang dang / 'jam pa'i rdo rje lha bcu dgu'i dkyil 'khor gyi dbang dang / rdo rje sgrol ma lha bcu gcig pa'i dbang dang / ku ru kulle lha mo bco lnga'i dkyil 'khor du dbang bskur ba nos nas/ dkyil 'khor gyi cho ga rdo rje phreng ba dang / sgrub thabs rnal 'byor rdzogs pa'i phreng ba/ sbyin sreg gi cho ga 'od kyi snye ma rnams gsan nas/ de'i lugs kyi thig dang / stang stabs kyi bkod pa la sogs pa'i lag len rnams kyang nos shing / dpal 'khor lo bde mchog sdom pa 'byung ba'i rgyud las 'byung ba he ru ka bcu gsum gyi dkyil 'khor du dbang bskur ba zhus nas de'i sgrub thabs man ngag dang bcas pa/ sdom pa 'byung ba'i rgyud de nyid kyi rgya cher 'grel pa gsan no/ /yang slob dpon mai tri pa'i dgongs pa snying po skor gyi bde mchog lha bcu gsum ma'i dkyil 'khor du dbang bskur ba zhus nas/ de'i dkyil 'khor gyi cho ga dang / sgrub pa'i thabs yan lag dang bcas pa gsan no/ /yang rdo rje rnal 'byor ma zhal gnyis ma che ba'i byin rlabs kyi bka' zhus nas zhal gnyis ma'i sgrub thabs che chung gnyis/ don grub ma che chung gnyis/ dbu bcad ma che chung gnyis te phag mo gzhung drug tu grags pa dpyal lo tsA ba'i lugs kyi man ngag mang po dang bcas pa dang / za lo tsA bar grags pa'i man ngag du ma gsan no/ /yang rdo rje rnal 'byor ma zhal gnyis ma chung ba/ don grub ma chung ba/ dbu bcad ma chung ba rnams kyi byin rlabs kyi bka' zhus nas so so'i