[A:294]bzhes pa'i dus nyid nas chos smra ba chen por gyur to/ /'dis kyang bstan pa'i bya ba ji ltar mdzad pa dang / thun mong ma yin pa'i yon tan du mas ji ltar 'byor pa la sogs pa yang chos kyi rjes mdzad pa'i rnam par thar pa las rgyas par 'byung bas 'dir ma bris so/ /de'i gcung gi sras ni chos kyi rje sa skya paNDi ta zhes snyan pa'i grags pas sa gsum du khyab pa/ dal 'byor gyi yon tan bdun gyis yang dag par 'byor zhing / rig pa'i gnas lnga dang rang bzhin gyi grub pa'i mtha' rgya mtsho'i pha rol tu son pa/ phyi nang gi rten 'brel la ma rmongs pa/ mngon par shes pas mngon par rtsen zhing sems can gyi don la thogs pa med pa'i rdzu 'phrul dang ldan pa ste/ 'di'i rnam par thar pa skyes bu dam pa rnams kyis rgyas par mdzad pas der blta bar bya'o/ /de'i gcung ni slob dpon bsod nams rgyal mtshan zhes bya ba sa chen po'i steng na rnam par dpyod pa'i shes rab la 'gran zla dang bral ba rig pa'i gnas du ma dang / chos kyi tshul rgya chen po khong du chud pas rang dang gzhan gyi don la dbang 'byor zhing theg pa mchog gi brtul zhugs la gnas pa'o/ /de'i sras kyi thu bo ni bdag cag gi bla ma yon tan gyi tshogs kyis bla ma rnams kyi yang bla mar gyur pa lha dang bcas pa'i 'jig rten gyi skyabs gnas gcig pu/ ji lta ba dang / ji snyed pa gzigs pa'i ye shes sgrib pa med cing / dmigs pa med pa'i thugs rje chen pos dbang byas pa/ mngon par shes pas rnam par rtsen zhing / ting nge 'dzin dang gzungs kyi sgo du ma la dbang 'byor pa/ lha dang / klu dang / lha ma yin dang / mi'am ci la sogs pa'i dbang po du ma dang / mi'i dbang po'i cod pan gyis zhabs kyi padmor gtugs pa/ theg pa gsum gyi chos kyi char chen po rgyun du 'bebs pas rdzogs ldan gyi dus kyi sprin chen po lta bu/ 'gro ba ma lus pa'i ma rig pa'i thibs po dang tshang tshing thams cad sel bar mdzad