[A:295]pas nyi ma'i dkyil 'khor lta bu/ nyon mongs pa'i gdung ba thams cad zhi bar mdzad pas zla ba'i dkyil 'khor lta bu/ phas kyi rgol ba thams cad tshar gcod cing bdag med pa'i seng ge'i sgra sgrogs pas seng ge ral pa can lta bu/ kun nas dul zhing rgyal ba'i bstan pa'i khur chen po khyer bas glang po che lta bu/ nyon mongs pa'i rims nad sel bar mdzad pas sman pa'i rgyal po lta bu/ mang du thos pa'i chu tshad med pas gting dpag dka' zhing yon tan rin po che du ma'i 'byung gnas su gyur pas rgya mtsho chen po lta bu/ lta ba ngan pa'i ser bus g.yo bar mi nus pas ri'i rgyal po ri rab lta bu/ dgos 'dod thams cad 'byung bas nor bu rin po che dbang gi rgyal po lta bu/ lhun gyis grub cing rgyun mi chad pa'i phrin las phun sum tshogs pas 'gro ba mtha' dag smin cing grol bar mdzad pas snyigs ma'i dus na thams cad mkhyen pa lta bu/ 'jig rten dang 'jig rten las 'das pa'i yon tan phul du byung ba du mas 'jig rten thams cad las mngon par 'phags pas mtshan yang don dang mthun par 'phags pa zhes snyan pa'i grags pas sa gsum du khyab pa 'di ni nges bar bcom ldan 'das rnam par snang mdzad kyi rnam par rol pa'am/ sprul pa'am rnam par rol pa nyid yin te/ bcom ldan 'das kyis mdo sde dang / rgyud sde dag las lung bstan cing gang gis 'phags par byed pa'i yon tan gyi chos thams cad 'di la mnga' ba'i phyir ro/ /de lta bu'i bdag nyid chen po 'di yum gyi lhums su 'jug pa'i tshe/ phyi rol du ngo mtshar ba dang / dge ba'i ltas du ma byung ba dang / yum la yang rmi lam la sogs pa ltas bzang po du ma dang bcas pas lhums su zhugs so/ /de'i tshe nyid na yum yang lhag par dul ba dang / sdom pa dang / tshul khrims dang / brtul zhugs la gnas shing / skye bo slong mo pa dag la yang sbyin