[A:357]bka' sgrub thabs la sogs thob yig na gsal/ zhib tu ma smos so/ /tshe 'di blos btang sprang po nga / /mdo rgyud mang du bltas pa yis/ /chos sgor zhugs ma thag pa nas/ /tshe 'di dang rang 'dod zhen 'dris med/ /phugs grub thob cig la blo rtse gtad/ /dus mtshams med pa'i brtson 'grus brtsams/ /yi dam bsgom bzlas bka' srung yang / /dang po lo re lo gnyis bar/ /dngos dang rmi lam mtshan rtags kyi/ /nus pa mngon gyur che ba dang / mchod sgrub bskang bshags chag skong ba/ /'khu ldog dgag sgrub che bar snang / /bar du mi sdug bar chad dang / /lus sems sdug bsngal 'ba' zhig bskyed/ /tha mar phan gnod gang yang med/ /'on kyang 'phral nus ma byung na'ang / /lha dang bla ma'i byin rlabs mthus/ /byang chub thob pa'i nus pa ster/ /chos skyonga'ang bka' bsgo nyan pa tsam/ /bya bral zang ma'i kun spyod tshe/ /rmi lam dang nyams kyi 'char sgo la/ /legs nyes dge sdig bye brag 'ga'/ /mngon shes min na'ang mi slu bas/ /mngon shes lta bu'i nyams snang yang / /byung mod mngon shes su sgro btags dgos/ /phal la smra ba kun tu bcad/ /khyad par nyan po'i sgom zhus rjes/ /lo gsum bar ma chad la grub thob cig /'ong nges shes la gdan sa'i bar chad byung / /bros rjes shangs kyi rin sgang du/ /sbyor drug lo gsum phyogs gsum gyis/ /'chi med bsgrub 'dod nyin mtshan du/ /bar ma chad pa zla drug byung / /'brel bas gegs dang khams 'dus zhigs/ /da rjes dbus kyi btsun mo brag /lam 'bras bar med lo drug bsgoms/ /'byung bas mi 'chi mi brdzi na'ang / /rang dbang yod snyam gdeng yod pas/ /dam nyams cig skyor ba'i las chog byas/ /grib kyis sna khrag mtshan rangs babs/ /lo dus gsum du btud nas shor/ /khams kyi nus pa de ru zad/ /grub thob kyi re thag de ru chad/ /gegs de chos spyod bcag pas lan/ /de bas gtor ma chos