[A:359]btub pa 'ga' re dang / /gzhan gyi mig 'dren bstan rgyun cung zad byung / /bdag dang lhan cig spyod tshe su yin kyang / /thos bsam bsgom dang gtor ma bya cha las/ /skad cig btang snyoms bya skabs med pas na/ /des na shangs dang snar thang sa skya'i bar/ /phyi nang kun du chos spyod pa zhes grags/ /'di yang gzhan phan phrin las skor cig yin/ /de nas bla ma bsten zhing dbang dang gdams ngag zhus/ /slob grogs ma bsten gcig tshugs gtsor bzung ba'i/ /nyams len chig dril lo bcu lhag cig byas/ /gzhan don ma grub nyams bogs che bar byung / /de rjes lo dgu lung rigs 'chad pa dang / /dbus gtsang khams gsum mkhas pa tshogs pa'i grar/ /lung rigs gtan 'bebs 'gal 'brel rtsod pa yis/ /gra sa'i skyong ran gzhan phan gzugs brnyan bgyis/ /de nas 'chad nyan dor nas lung stong du/ /rtse gcig bsgrub mod sngon gyi smon lam gyis/ /sbrel bas dbus gtsang khams gsum dge ba'i bshes/ /sdom brtson sde snod 'dzin pa mang po la/ /dbang dang byin rlabs nyams khrid bka' lung gis/ /phan btags gdags pa gzhan don bye brag go/ //thams cad mkhyen pa la phyag 'tshal lo/ /'dul 'dzin ming btags rin chen seng ge nga / /rab byung bsnyen rdzogs khrims nos nas/ /'dul lung sde bzhi mdo rtsa dang / /dkar sha la sogs 'dul gzhung rnams/ /dmigs rnams phyed bslabs khyad par du/ /gtan khrims nyis brgya nga gsum po/ /yang yang bsngo bgrang nyes med cing / /nyes ltung gos srid rang nongs kyi/ /cho gas phyir bcos rnam dag 'di/ /'bral med yod pas zhe blo bde/ /byang chub sems dpa' la phyag 'tshal lo/ /theg chen smon 'jug sems bskyed kyi/ /dbu ma snying po skal ba bzang / /bslab btus spyod 'jug la sogs nang / /rnam snang mngon par byang chub nang / /byang sa sdom pa nyi shu sogs/ /dbu ma sems tsam lugs gnyis po/ /rang rang