[A:347]nas/ /mdo sde dkon brtsegs la sogs pa'i/ /sangs rgyas byang sems rnams kyi mtshan/ /phan yon bcas pa mang bzung nas/ /nang nub gnyis ka phyag 'tshal dang / /mchod dang sdig bshags yi rang bskul/ /mtshan brjod bzang spyod ltung bshags dang / /sgrol ma rnam 'joms sdud pa sogs/ /kha don sngags zlos ci 'grub byas/ /dus bzang gsum la gdan gcig pas/ /rdor nag spangs pa'i bsnyen gnas bsrungs/ /gsung rab klog tshe snga phyi yi/ /'brel don bsam mno btang ba yis/ /thos chung go ba sna re skyes/ /bka' pod re re shes pa yi/ /bshes gnyen kun bas go yul bzang / /thal phyir mi shes 'bel gtam la/ /phal la mi 'jigs spobs pa yod/ /tha mal skye bor gnas tshe yang / /sdom gsum legs bshad la sogs pa/ /mkhas pa'i bstan bcos ci rigs dang / /gcod dang zhi byed la sogs pa/ /zab mo'i dpe cha mang du byung / /dal skabs ci byung blta rtog dang / /kha don bsam mno la sogs pas/ /btang snyoms lus pa med snyam sems/ /byed 'dod dmigs par rab shes kyang / /chos rnal ma bya dbang ma byung na'ang / /sgo gsum tha mal ma bsdad par/ /ci nus su dge ba la 'bad pa'i skabs so/ /pha dbang ches nas chos byed du ma ster bas/ snying mi dga' ba dang / pha la gnod du re nas/ nyo chung rang phung gzhan 'phya'i lo bzhi bskyangs/ nang na nges 'byung gi skyo shas dang bral ba med pas nang chos mthun/ phyi kun 'phya'i le tsho'o/ /lo nyi shu rtsa gsum pa shar ma thag pa la/ shud pa dang sreg shing bas/ bla ma shar pa dang / rin po che khro phu ba gdan drangs nas/ dbang thugs bskyed rab byung zhu ba mang po 'ong ba 'dug pas/ da lan rin po che pa mkhan po/ sreg shing mkhan po la slob dpon zhus nas rab byung zhu bsam na'ang / pha la zhus pas khong gis de long mgar ba'i mi chen zhig gi mchod gnas la brdzangs nas/ lo gcig na