[A:54a]med pa gsum pas ni sa mi g.yo ba nas bzung nas / sangs rgyas kyi sa'i bar du'o / /
zhes so / /
de ltar bskal pa grangs med pa gsum gyis sangs rgyas nyid thob par 'gyur ba yin pas na sgra ji bzhin pa nyid kyi mdo dang 'gal lo zhe na / gsum tshan du mtshungs pas na bskal pa grangs med pa gsum gyis shes gsungs pa yin gyi / don dam par ni ma yin no / /
des na 'di ltar drang pa'i don gyi mdo bshad pa ni 'gal ba kho na'o / /
'di ltar dbyig gnyen gyi zhal snga nas kyis / tshogs kyi sa kun tu rdzogs par byed pa la bskal pa grangs med pa gcig 'da' bar byed do / /
de'i 'og tu mos pas spyod pa'i sa rdzogs par byed pa na bskal pa grangs med pa gnyis 'da' bar byed do / /
de'i 'og tu sa rab tu dka' ba nas brtsams te / byang chub sems dpa'i sa chos kyi sbyin gyi bar la so sor bskal pa grangs med pa gsum gsum gyis byang chub sems dpa'i sa rdzogs par byas nas sangs rgyas kyi sa kun tu 'od sgrub par byed pa yin te / de ltar na bskal pa grangs med pa sum cu rtsa gsum gyis sangs rgyas nyid thob pa yin no zhes bshad do zhes so / /
rgya cher [C:73]rol par / bskal pa grangs med pa bdun du dge ba'i rtsa ba thams cad yang dag par bsgrubs pa zhes bdun du bshad do / /
nyan thos sde pa kha cig grangs med bcur 'dod par du la lha'i sde pa tha dad bklag par bshad do / /
des na lugs mang po snang yang mang pos 'dod cing grags pa dang byams pas / sa ni dang po yin par 'dod / /
'di de bskal pa dpag med kyis / /
zhes pa dang / grangs med gsum ni rdzogs pa yis / /
sgom pa'i lam ni tshar phyin to / /
zhes pas grangs med gsum du bshad par bya'o / /
de yang sems