[A:5a]brten pa'i yon tan 'dod pa rnams kyis gus par sangs rgyas kyi gsung mnyan par bya'o / /
zhes gsungs so / /
IAb. gnyis pa la / a1. ston pa sangs rgyas la mchod pa bla na med par 'gyur ba dang / b1. zang zing gi sbyin pa las mchog tu gyur cing / phan 'dogs pa'i mchog yin pa dang / c1. gzungs dang rig pa thob pa dang / d1. bsod nams 'phel bas byang chub thob pa dang bzhi'o / /
IAba1. dang po ni / ji sked du / gang la phan phyir nga yi chos / /
tshul bzhin bstan pas mchod 'gyur gyi / /
me tog byug pa mar me yis / /
rgyal ba yang dag mchod ma yin / /
zhes so / /
IAbb1. gnyis pa ni / byams pa seng ge sgra'i mdo las / gang gis gangg'a'i bye snyed sangs rgyas zhing / /
[C:6]rin chen bdun gyis yongs su bkang byas nas / /
dga' rab sems kyis rgyal la phul ba dang / /
gang gis sems can gcig la tshigs bcad byin / /
rin chen sbyin pa shin tu rgya che des / /
tshigs bcad sbyin pa snying rjes bsgrubs de la / /
char yang mi phod grangs su'ang ma yin na / /
gnyis dang gsum las bsam du ga la yod / ces pa dang / gangg'a'i bye snyed rin chen gser dag gis / /
bka' ste gang la sbyin pa byin pa bas / /
dus ngan tshe na tshigs bcad gcig brjod pa / /
de yi phan 'dogs ci 'dra de la med / /
ces so / /
IAbc1. gsum pa ni / seng gis zhus pa las chos kyi sbyin pas skye ba dran / /
zhes pa dang / klu'i rgyal po rgya mtshos zhus pa'i mdo las / chos byin pas ni zag pa zad pa'i mngon par shes pa rnam par dag [B:5a]par 'gyur ro / /
zhes so / /
rin chen phreng bar chos kyi ched dang de bzhin du / /
gzhung