[A:55a]ni mthong ba'i chos dang tshe rabs phyi ma la dge ba'i chos 'phel [B:49b]ba dang [C:74]yongs su mi nyams pa'i phyir ro / /
de ltar gang gi tshe dge ba'i rtsa ba dang smon lam gyi stobs can dang sems brtan te bar ma dor mi ltog pa dang / khyad par du 'gro ba ste / yon tan cung zad kyis chog par mi 'dzin pa de nas brtsams te / grangs med pa gsum brtsams so / /
zhes so / /
kha cig na re / grangs med kyi 'go sbyor lam nas rtsom ste / byang sa las bskal pa chen po grangs med pa dang pos ni / mos pas spyod pa la gnas pa las yang dag par 'das nas sa rab tu dga' ba la gnas pa thob ste / zhes pa dang / de'i 'grel par / brtson 'grus 'bar ba rgyun mi chad par dge ba'i rtsa ba la gnas pas ni mos pa la spyod pa'i sa nas grangs med pa yin par bstan pa'i phyir / zhes bshad pas so zhes zer ro / /
'di dpyad par bya ste / mos pas spyod pa'i sa nas rtsom par bshad pas sbyor lam kho na nas brtsom par mi 'grub ste / byang sa nas kyang mos pas spyod pa sems dang po bskyed pa yan chad la bshad cing kun las btus kyi 'grel par yang / mos pas spyod pa can gyi byang chub sems dpa' ni rigs la gnas pa thog mar smon lam chen po btab pa nas bzung nas / rab tu dga' ba'i sa la ma zhugs pa'i bar du ste / so so rang gis 'jig rten las 'das pa thob pa med pa'i phyir ro zhes pas so / /
de ltar min na sngar gyi lung dang / a bha y'a ka ra guptas bskal pa grangs med pa dang pos ni tshogs kyi lam nas brtsams nas sa dang po rdzogs kyi bar du'o / /
zhes pa dang / ji ltar mi 'gal / des na tshogs lam du bzang po'i stobs can la sogs pa nam grub pa nas grangs med rtsom mo / /