[A:62b]bu pa gnyen gyi bu ste / rtog ge pa drug dang / bram ze rgyus rgyal dang / bram ze rnas rdeg dang / bram ze bzang ldan dang / bram ze tshangs pa'i tshe dang / bram ze padma'i snying po dang / bram ze dmar po ste rjes su sgrogs pa drag dang / rangs byed kyi bu lhag spyod dang / sgyu rtsal shes kyi bu ring 'phur dang / kun tu rgyu rab bzang dang / bram ze'i khye'u kun rgyal dang / drang srong nyon mongs med dang / steng rgyas 'od srungs ral ba can te snyoms 'jug pa drug ste / ston pa drag gsum bco brgyad kyis ma rungs par bgyis pas / gshegs pa'i skabs ma lags so / /
zhes gsol bas / dung gi sgra dang rol mo'i sgra gzhan mi 'dre ba dang / nyi ma'i 'od kyis 'od gzhan ltar / de dag gi chos dang mi 'dre zhing / de dag nga nyid kyis zil gyis mnan nus so / /
seng ge gcig gis gcan gzan tshogs rnams du ma rnam par skrag /
rdo rje gcig gis brag gi rtse mo du ma rnam par 'jig /
brgya byin gcig gis lha ma yin dpang du ma rnam par 'dzoms / /
nyi ma gcig gis mun pa'i tshogs rnams du ma rnam par sel / zhes gsungs nas / kho bo ji lta bu'i gzugs kyis 'gro bar bya / zhes dris pas / la la tshangs pa'i gzugs kyis / la la brgya byin la sogs pa'i gzugs kyis / rigs so zer yang / lha'i bu gzi brjid dam pa na re / rig byed nas 'byung ba bzhin glang po che'i gzugs kyis rigs so / /
zer nas / byang chub sems dpa' chas pa dang / rgyal po zas gtsang gi khyim du ltas bco brgyad byung ngo / /
de nas dgun 'das te / dpyid zla tha chung skar ma sa ga la bab pa'i tshes bco lnga zla ba nya / skar ma rgyal gyi dus su / yum