[A:63b]'di ni nga'i skye ba'i tha ma ste / skye ba dang rga ba dang 'chi ba mthar dbyung ngo / /
byang du sems can thams cad kyi nang na bla na med par bya'o / /
'og tu bdud dang bdud kyi sde gzhom par bya'o / /
sems can dmyal ba pa thams cad kyi sems can dmyal ba'i me bsad pa'i chos kyi char sprin chen po'i char phab ste / de dag bde bas tshim par bya'o / /
steng du sems can thams cad kyis gyen du lta bar 'gyur bar bya'o zhes gsungs te / gom pa bdun bdun bor ba dang padma byung ngo / /
de'i tshe bkra shis pa'i ltas phyogs thams cad snang bas gang ba dang / yul chen po bzhir rgyal phran bzhi btsas / ya rabs kyi rigs lnga brgya / grags ldan ma la sogs pa brgyad brgya / 'dun pa la sogs pa bran lnga brgya / sngags ldan la sogs rte'u khri / rte'u mo khri dang / ba lang khri yang btsas / gling [C:86]gi dbus su byang chub kyi shing skyes / skyed tshal lnga brgya dang / gter kha lnga brgya yang byung ste / rgyal bu don thams cad grub par btags so / /
de nas rigs kyi lha mchod pa'i sar phyin te / sh'akya mu cor smra ba rnams thub pa bzhin 'dug pas / sh'akya thub par btags / shakya 'phel gyis phyag btsal ba'am / lha rnams kyis phyag btsal bas lha'i lhar btags so / /
zhag bdun nas yum tshe'i dus byas te sum cu rtsa gsum du skyes so / /
de byang chub sems dpas nongs pa min gyi / sras mngon par 'byung ba gzigs na / yum snying 'gas par 'gyur bas tshe tshad mthar thug pa'i phyir ro / /
mdo gzhan nas ri bo kun 'dzin la gnas pa'i drang srong nyon mongs med kyi tsha bo mes byin gyi bus shes te / mkhan po 'dir ni nyi ma thams cad dag /
cig car byung bar gyur tam ci / /
'di