[A:64a]ltar ri ni phug bcas pa / /
'od gcig gis ni gsal bar gyur / zhes dris pas / lan du / nyi ma'i 'od ni rgyun du rno / /
bu gcig snang ba'i 'od [B:58a]'di dag /
yan lag reg na 'od bsil bas / /
nges par thub pa de yi 'od ces so / /
de nas nyon mongs med ser skyar zhugs te / /
rgyal chen bdag cag 'dir mchis pa / /
khyed kyi sras ni mthong bar 'tshal / /
'jig rten gtso bo rnam 'dren pa / /
thub pa de ni blta bar 'tshal / zhes pa dang / mnal du song ba na'ang / spyan gzigs pas smras pa / rigs dang ldan pa'i rta rnams ni / /
mtshan mo'i bzhi cha nyal ba ltar / /
dgos pa don gnyer rnams kyi gnyid / /
mig la yun ring mi gnas so / /
zhes so / /
mtshan mkhan dag 'khor los bsgyur bar lung ston na cir 'gyur / /
sa bdag rtog pa po rnams blo 'khrul te / /
rtsod pa'i dus su 'khor los bsgyur mi 'byung / /
bsod nams mchog gi chos kyi mdzod 'di ni / /
nyes las rnam brgal sangs rgyas nyid du 'gyur / zhes so / /
gzhon nu skye dgu'i bdag mo la gtad de / pang na 'tsho ba'i ma ma brgyad / nu ma bsnun pa brgyad / rtsen ba'i ma ma brgyad / dri ma 'phyi ba brgyad de / so gnyis la gtad de bskyed bsrings so / /
de lta bu'i cho 'phrul de ri bo gangs can na gnas pa drang srong nag po zhes pa mngon shes lnga dang ldan pa zhig gis tshor nas / snag tsha mes byin dang bcas pas rdzu 'phrul gyis ser skya'i grong khyer du phyin te / de'i mtshan bltas pas / de cir 'gyur ba shes te / ngo mtshar dang mya ngan skyes nas de'i zhabs la phyag 'tshal zhing / skor ba byas nas gdong mchi ma dang bcas te lung bstan pa / btsas gyur gzhon nu 'di yi mtshan