[A:64b]ltas ni / /
sum cu rtsa gnyis mtshan gyis brgyan par mthong / /
'di ni gnyis su 'gyur gyi [C:87]gzhan du min / /
khyim na gnas na 'khor los bsgyur rgyal lam / /
khyim nas khyim med rab tu byung gyur na / /
'dren pa gzhan gyi dring la mi 'jog par / /
'jig rten 'dir ni mngon rdzogs byang [B:58b]chub 'gyur / /
gsang ba'i gnas mchog sbubs su nub pa dang / /
spyi gtsug 'gro ba kun gyis mi mthong bas / /
khab tu yang ni bzhugs par mi 'gyur zhing / zhes lung yang bstan / zhes so / /
'o na khyod ngu ba'i rgyu ci / lha / bdag ni chos mdzod skyes bu mchog 'di dang / /
phrad nas don ma grub par 'chi 'gyur te / /
zhi ba ma thob rang gi nyes mthong nas / /
yid la gdung ba skyes nas ngu ba yin / zhes so / /
de nas rang gi gnas su song ngo / /
de nas yar skyes nas sh'akya'i khye'u stong phrag bcu dang lhan cig tu / yi ge'i slob dpon kun gyi bshes gnyen gyi grwar byon to / /
kye slob dpon tshangs pa'i yi ge la sogs pa drug cu rtsa bzhi las / bdag gang la bslab / slob dpon ngo mtshar te / sems can dag pa ngo mtshar che / /
bstan bcos kun la bslabs gyur kyang / /
'jig rten 'jig rten rjes bsnyeg phyir / /
yi ge'i grwar ni byon par gyur / /
yi ge gang gi ming dag kyang / /
bdag gis shes par ma gyur pa / /
de la 'di ni byang gyur kyang / /
yi ge slob pa'i grwar byon to / /
zhes smras so / /
de nas gzhon nu nags rgyur song zhing / 'dzam bu'i grib ma la bsam gtan dang po nas bzhi pa'i bar la mnyam par bzhag pas phyi rol pa'i drang srong rdzu 'phrul can lngas nam mkha' la 'gro ma nus par / phyag dang bskor ba byas so / /
de'i tshe shing gzhan gyi grib ma 'phos kyang / de'i ma 'thos pas