[A:65a]yab ngo mtshar te / thub pa gang tshe bltams pa dang / /
gang tshe 'od ldan bsam gtan mdzad / /
'dren pa 'di ltar lan gnyis su / /
mgon po khyod zhabs phyag 'tshal lo / /
zhes phyag byas so / /
de nas sh'akya rgan rabs dag gis rgyal po la / lha / lhas mkhan dag gzhon nu 'dis khab bzhes na / 'khor los bsgyur bar 'gyur ro zhes lung ston na / btsun mo blang bar 'gyi'o / /
rgyal pos gzhon nu'i tshul dang mthun pa'i bu mo gang yod ltos shig /
de nas sh'akya lnga brgya [B:59a]tsam nged kyi bu mo mthun no zer ro / /
rgyal pos smras pa / gzhon nu nyid la dris shig zer nas dris pas / dgung bdun na lan bya'o gsung ste / bsam pas / 'dod pa'i skyon ni bdag gis mtha' yas rig /
'thab mo mkhon bcas mya ngan sdug bsngal rtsa / /
'jigs byed dug gi lo ma 'dra ba ste / /
me dang 'dra zhing ral gri'i so dang 'dra / /
'dod pa'i yon tan bdag 'dod ma yin te / /
bdag ni bud med tshogs dang mdzes [C:88]ma yin / /
bsam gtan ting 'dzin bde bas zhi sems su / /
bdag ni mi smra nags tshal gnas par bya / /
yang des brtags nas / thabs mkhas pa dang snying rjes / 'dam dang lcag lcig khrod na padma rnam par 'phel / /
mi rnams gang gi nang na rgyal po mchod pa thob / /
gang tshe byang chub sems dpa' 'khor mchog thob gyur pa / /
de tshe sems can bya ba khrag khrig 'chi med 'dul / /
sngon gyi byang chub sems dpa' mkhas pa gang byung ba / /
de dag kun gyis btsun mo sras dang slas kyang bstan / /
'on kyang 'dod pas chags med bsam gtan bde ma nyams / /