[A:65b]bdag kyang de dag yon tan rjes su bslab par bya / /
snyam ste / sde bud med kyi yon tan yi ge la bris te / 'di 'dra ba bdag la gsol / zhes pa dang / rgyal pos mdun na 'don la khyod song la / gang na yon tan 'di dag yod pa'i bu mo de 'on cig /
rgyal rigs bram ze'i bu mo dang / /
rje'u rigs dmangs rigs de bzhin te / /
su la yon tan 'di yod pa'i / /
bu mo de ni 'dir 'on cig /
nga yi bu 'di rigs dag dang / /
rus dang ngo mtshar 'dzin ma yin / /
yon tan bden pa chos kyi rnams / /
de la 'di yi yid dga' 'o / /
zhes smras so / /
de nas bram ze des yul kun tu song song bas / sh'akya lag na be con can gyi bu mo sa 'tsho ma mthong nas / yi ge de byin pa dang / bzhin 'dzum ste / bram [B:59b]ze yon tan 'di dag bdag la kun tshang gis / des pa'i gzugs can de ni bdag gi khyim thab bo / /
gal te gzhon nu bzhes na phyi bshol ma mdzad gsungs / /
brgya la skye bo phal dang bzhugs par gyur kyang gda' / zhes smras so / /
dem mdun na 'don gyis / rgyal po la gsol pas / rgyal pos / bud med 'di rdzun che bas yid ma ches te / zhag bdun na bu mo thams cad 'dun khang du shog cig /
gzhon nus yid du 'ong ba'i yo byad dag sbyin no / /
zhes smras te / dgung bdun nas gzhon nus 'dun khang du song ba la / bu mo rnams ji ltar 'ongs bzhin yo byad dag byin zhing de dag gis kyang gzi brjid ma bzod par myur du song ngo / /
de nas sa 'tsho ma 'ongs pa dang yo byad zad de des 'dzum dmul te / bdag gis nongs pa ci bgyis nas / bdag la rngan sdang mdzad / gzhon nus / rngan sdang min gyi khyed 'phyis pas lan no / /
gsungs