[A:66a]nas sor gdub srang brgya stong ri ba de byin no / /
de nas de song ba dang bya ra ba dag gis rgyal po la / gzhon nu sa 'tsho ma la spyan chags te / bka' mchid kyang cung zad bgyis so / /
de nas rgyal pos sh'akya lag na be con can la khyed kyi bu mo gzhon nu la byin cig ces pho nya btang bas / de na re [C:89]gzhon nu pho brang na skyid de bar 'khrungs pas sgyu rtsal mi shes na / bdag gi rigs chos la bu mo sgyu rtsal shes pa la gtong pa rags na / sgyu rtsal mi shes pa la ji ltar sbyin / zhes zer ro / /
de bzlas pas / nga la 'dis 'di dang lan gnyis su ngor bltas so snyam ste rgyal po sems shing 'dug go /
de nas gzhon nus de thos nas rgyal po la ci nongs / 'di bka' mi stsal du mi rung ngo / /
zhes smras pas / rgyal pos don de bsnyad do / /
de nas gzhon nus sgyu rtsal gyis 'gran par khas blangs pas / rgyal po mnyes te sgyu rtsal [B:60a]'gran par dril bsgrags so / /
de nas zhag bdun na sh'akya gzhon nu lnga brgya tsam tshogs te / sa 'cho ma rgyal ba'i ru mtshon du bzhag ste / ral gri'i thabs dang / 'phong dang / gyad kyi 'dzin stangs rgyal bas khyer cig /
ces dam bcas so / /
de nas thog mar lha sbyin 'ongs pa dang / glang po che khrid pa dang phrad de / pa phrag dog dang nga rgyal gyis thal mo lan cig bsnun te bsad do / /
de nas mdzes dga' bos grong khyer gyi sgo nas gud du bor ro / /
de nas byang chub sems dpas rkang pa'i mthe bos blangs nas / ra ba bdun / 'obs bdun gyi phyi rgyang grags gcig tsam du 'phangs te / gshong chen por gyur nas glang po'i gshong zhes grags so / /
de nas slob dpon kun gyi bshes gnyen