[A:66b]dpang du btsug ste / yi ge 'gran pas byang chub sems dpa' rgyal po / /
de nas shrakya srid sgrub dpang du btsug ste brtsis pas / byang chub sems dpa' rgyal te / srid sgrub kyis kyang mi 'khrugs pa yan chad las ma shes / byang chub sems dpas snying po mchog gi bar shes so / /
de nas mchong pa dang / rgyal dang / bang yang / byang chub sems dpa' lhag go /
de nas dga' bo kun dga' bo gnyis kyis stobs rgal ba'i phyir / drung du phyin pas de'i lag pa rig ma thag 'gyel lo / /
de nas lha spyin gyis phyin pas byang chub sems dpas phyag g.yas pas bteg ste nam mkha' la bskor nas sa la bor yang lus la mi gnod par byas so / /
de nas sh'akya gzhon nu thams cad rub pa dang / byang chub sems dpas reg ma thag 'gyel lo / /
de nas 'phong 'gran par byed da / kun dga' bos rgyang grags gnyis / lha sbyin gyis rgyang grags bzhi / mdzes dga' bos rgyang grags drug /
be con can gyis dpag tshad gnyis kyi pha rol du lcags rnga re 'ben du btsugs pa las rang rang gi la phog gi / de phan chad la ma phog go /
byang chub sems dpas [B:60b]rgyang grangs bcu'i pha rol du lcags rnga gcig /
de'i drung du shing ta la bdun dngar / de'i pha rol du lcags [C:90]kyi phag rgod gcig btsugs te / lha khang nas mes seng ge'i za 'gram gyi snam ru blangs te / phyed krung du 'dug pas bdungs te / mda' 'phangs pas / lcags rnga gcig shing ta la bdun / phag rgod rnams phug ste / sa la zug nas mi snang bar gyur nas / khron pa lta bu byung bas mda'i khron pa zhes grags so / /
de nas lag rtsis dang / glang po che'i gnyar zhon nas / spos sbyor gyi