[A:67b]ri gzar 'bab chu lta bur myur mgyogs 'gro / zhes sogs nas / sngon gyi spyod de rjes su dran gyis la / /
gti mug ma rig mun pas bsgribs pa yi / /
'gro la shes rab dam pa 'od bzang ba / /
chos mig dri med nyon mongs med pa byin / zhes pa'i sgra thos nas byang chub sems dpa' yang rgyags pa'i sems spangs te byang chub tu sems btad do / /
lha'i bu 'bum phrag sum cu rtsa gnyis kyis kyang / 'chi 'pho ba ni shin tu bstan / /
skyes bu seng [C:91]gis tshe yang bstan / /
btsun mo'i 'khor yang bstan pa mdzad / /
khyod kyis 'jig rten rjes mthun mdzad / /
'jig rten chos ni rjes thob pas / /
lha mi mang po yongs smin mdzad / /
mngon par 'byung ba'i blo dgongs pa'i / /
de yi dus la da dbab bo / /
zhes sogs nas / dbyangs snyan cing ni dbyangs 'jam pa / /
mar me mdzad kyis lung bstan dgongs / /
yang dag de bzhin ma nor bar / /
rgyal ba'i sgra dbyangs bsgrag tu gsol / /
zhes bskul lo / /
de'i tshe rgyal po'i rmi lam du byang chub sems dpa' rab tu byung ba rmis te / nyug rum la byang chub sems dpa' 'dug gam dris pas 'dug zer ro / /
de nas rgyal pos byang chub sems dpa' rab tu 'byung ba'i ltas so snyam ste / byang chub sems dpa' chags par bya ba'i phyir / dpyid bsil / dbyar ran / dgun dro ba'i khang bzang gsum / re re'ang gru skas mi lnga brgya lnga brgyas 'dzugs shing 'bebs pa'i tshe / gzhon nu sus kyang ma tshor bar 'byung du 'ong ngo / /
zhes pa'i sgra dpag tshad [B:61b]phyed du byung ngo / /
ltas mkhan kun gyis kyang bkra shis kyi chab sgo nas mngon par 'byung bar 'gyur ro / /
zhes bstan no / /
de nas rgyal pos sgo 'phar chen po sgra dpag tshad phyed du