[A:68a]grags pa mi lnga brgya lnga brgyas 'byed cing gcod pa byas so / /
de nas byang chub sems dpas / 'dun pa la skyed mos tshal du 'gro ba'i shing rta sbyor cig /
'dun pas kyang rgyal po la don de gsol te / rgyal pos gzhon nu'i yid du mi 'ong ba mi mthong bar byas te / nyams dga' bar byas so / /
de nas byang chub sems dpa' shar sgo nas 'thon pa dang / nyid kyi mthus / lhas sprul pa'i rgas pa'i sdug bsngal gyis nyen pa gzigs te / 'dun pa la / kha lo sgyur ba mi rid nyam chung zhing / /
sha khrag bskam la rgyus lpags nyi tshes dkris / /
mgo dkar so rnal lus ni rab bskem la / 'khar ba brten cing mi bde 'khyor 'gro su / /
des smras pa / lha gcig mi 'di rga bas zil gyis non / /
dbang po nyams shing sdug bsngal brtson stobs nyams / gnyen gyi skye bos brnyas shing mgon med gyur / /
don bgyid mi nus nags khrod shing ltar bor / /
byang chub sems dpas smras pa / 'di'i chos 'di rigs kyi yin nam 'on tam ni / /
'gro ba 'di kun la yang 'di srid de smros shig /
tshig 'di yang dag ji bzhin myur du smros shig dang / /
thos nas de bzhin don la 'dir ni tshul bzhin bsam / /
des smras pa / lha 'di rigs chos ma yin yul 'khor chos ma lags / /
skye bo kun gyi dar la bab pa rgas bas 'joms / /
khyod kyi yab dang yum dang nye ngu gnyen tshogs kyang / /
rgas las ma thar [C:92]'gro ba'i thabs ni gzhan ma mchis / /
byang chub sems dpas smras pa / kha lo bsgyur ba / byis pa'i skye bo mi mkhas pa'i / /
blo ngan gzhon pas rgyags shing myos pas rgas ma mthong / /
nga ni slar 'gro nga yi shing