[A:68b]rta myur du sgyur / /
nga yang rgas la gnas pas rtse dgas ci zhig bya / /
zhes gsungs nas nang du [B:62a]log go /
yang lho sgor 'thon pas / na ba gzigs te smras pa / kha lo bsgyur ba mi rtsub lus kyang mdog ngan la / /
dbang po thams cad nyams shing dbugs dbyung rab tu dka' / /
yan lag kun bskams lto bas dkrugs shing nyam thag gyur / /
rang gi gcin rtug smad pa'i gnas na 'dug 'di su / des smras pa / lha gcig mi 'di shin tu nad kyis btab pa ste / /
nad kyi 'jigs pa nye bar mchis pas 'gum la thug /
nad med gzi brjid ma mchis stobs kyang rnam par nyams / /
mgon dang skyabs dang gling dang dpung gnyen ma mchis lags / /
byang chub sems dpas smras pa / nad med pa yang rmi lam na ni rtse dang mtshungs / /
nad kyis 'jigs pa 'di dag shin tu mi bzad pa / /
skyes bu mkhas pas nad 'di mthong nas ji lta bur / /
rtse la dga' dang sdug pa'i 'du shes bskyed par 'gyur / /
yang / nub tu shi ba gzigs te smras pa /
kha lo bsgyur ba mi 'di khyogs la blangs nas ni / /
'di dag skra bshig mgo la sa yis 'thor byed cing / /
sna tshogs dag gi tshig ni brjod la brang brdung bas / /
kun nas skor ba byas te 'khyer ba su zhig yin / des smras pa / lha gcig mi 'di 'dzam bu gling du gum pa ste / /
slan chad pha ma mchis brang bu rnams mthong mi 'gyur / /
longs spyod khyim dang mdza' gnyen tshogs rnams spangs nas ni / /
'jig rten pha rol mchis te slan chad gnyen mi mthong / /
byang chub sems dpas smras pa / rga bas gnod par 'gyur ba'i gzhon pa cir mi rung / /
sna tshogs nad kyis gnod 'gyur nad med cir mi rung / /
ring du mi gnas gson pa mkhas la cir mi