[A:69a]rung / dga' la chags pa skyes bu mkhas ba cir mi rung / /
gal te rga med na med 'chi ba med gyur kyang / /
'on kyang phung po lnga 'dzin sdug bsngal chen yin na / /
rga nang 'chi ba rtag tu 'brang ba smos ci dgos / /
legs par slar log rab tu thar [B:62b]bar bya bar bsam / /
yang / byang sgor dge slong gzigs te smras pa /
kha lo bsgyur ba skyes bu sems zhi rab zhi zhing / /
mig phab 'gro la gnya' shing gang tsam lta byed cing / /
ngur smrig gos gyon shin tu rab tu zhi bar spyod / /
lhung bzed thogs nas mi rgad ma khengs su zhig yin / [C:93]des smras pa / lha gcig mi 'di dge slong zhes ni bgyi ba lags / /
'dod pa'i dga' ba spangs shing shin tu dul bar spyod / /
bdag nyid zhi ba tshol zhing rab tu byung bar gyur / /
'dod chags zhe sdang bral bar bsod snyoms spyod cing rgyu / /
byang chub sems dpas smras pa / 'di ni dge bar legs smras nga yang 'dod pa ste / /
rab tu byung ba mkhas pa rnams kyis rtag tu bsngags / /
de ni bdag la phan zhing sems can gzhan la'ang phan / /
'tsho ba bde zhing nyams mthun 'chi med 'bras bur 'gyur / /
de nas byang chub sems dpa' nang du zhugs so / /
rgyal pos kyang de dag mthong thos pas / bsrung ba'i phyir / ra ba dang / 'obs dang / sgo brtan po btsug /
grong khyer gyi bzhi mdor bsrung ba'i dbung bzhag /
btsun mo rnams kyang glu dbyangs dang rtse dga' sbyor du bcug go /
de'i tshe byang chub sems dpa' rab tu 'byung ba'i ltas su / bya skad mi 'byin / padma rnyings / shing la me tog mi 'chags / /
gling bu dang pi wang rgyud tshad / rdza rnga la sogs brdungs kyang / sgra med par gyur pas / rgyal po yang sems khong du