[A:69b]chud cing 'dug go /
sa 'tsho ma la yang rmi lam du sa g.yos pa la sogs pa rmis so / /
byang chub sems dpa'i rmi lam du rkang lag gis rgya mtsho dkrugs pa dang / sa mal char gyur / ri rab sngas su bcug / 'od kyis mun pa bsal / sa las gdugs shig byung bas / 'jig rten gsum khyab / srog chags dkar nag bzhi dang / bya kha dog bzhi pa 'ongs nas / kha dog gcig tu gyur pa dang / ngan skyugs gi ri la 'dzegs kyang ma gos pa dang / chus khyer ba bton pa [B:63a]dang / nad pa gsos pa dang / ri rab kyi ngos la seng ge'i khri la 'dug pa la / lha rnams kyis phyag 'tshal ba rmis so / /
de nas byang chub sems dpas / phas ma gnang bar rab tu 'byung bar mi rigs so snyam ste / pha'i drung du song ste smras pa / bdag mngon par 'byung ba'i dus la bab kyis / gegs dang mi dgyes pa ma mdzad cig / rgyal pos / khyod ci 'dod pa'i mchog sbyin gyis / khab tu bzhugs shig /
byang chub sems dpas smras pa / rga nad 'chi rgud med pa stsol cig /
des smras pa / de sbyin pa'i mthu med do / /
gzhan slongs shig /
byang chub sems dpas smras pa / rga nad 'chi ba'i 'jigs dang rgud par mi 'gyur ba / /
lha gcig gal te mchog bzhi 'di dag mi stsal na / /
gzhan yang mchog cig gsol gyis rgyal po gsan du gsol / /
'di nas shi 'phos nying mtshams sbyor bar mi 'gyur mdzod / /
de nas rgyal pos khyed kyis bsam pa rdzogs par gyur cig /
ces smras so / /
[C:94]de nas byang chub sems dpa' rang gi gnas su song ngo / /
rgyal pos kyang don de sh'akya rnams la bsnyad pas srung ngo / /
zhes bgros te / sgo bzhi re rer sh'akya gzhon nu lnga