[A:70a]brgya re re'ang shing rta lnga brgya / shing rta re re'ang dpung bu chung lnga brgya dang bcas pa bkod do / /
sh'akya rgan rabs rnams lam gyi bzhi mdo dang sum mdor 'khod do / /
rgyal po'ang mel tshe byed do / /
de'i tshe gnod sbyin rnams dang 'phrog ma'i bu lnga brgya rnams kyang / do nub byang chub sems dpa' mngon par 'byung gis / mchod pa'i las la brtson no / /
rgyal po sde bzhi yang chibs pa 'degs par sems so / /
sum cu rtsa gsum pa rnams kyang mchod pa'i las byed do / /
byang chub sems dpa' sngon gyi smon lam bzhi mngon du byed do / /
lha'i bu chos spyod la sogs pas btsun mo'i 'khor mi sdug par bsgyur ba la gzigs pas dur khrod [B:63b]kyi 'du shes bskyed de / e ma skye dgu dag ni sdug bsngal 'gyur / /
srin mo'i tshogs la dga' ba ji ltar rnyed / /
'dod pa'i yod tan yod min yon tan 'dzin / /
gti mug mun pas rab bsgribs blo gros ngan / /
dper na bya ni bya rgyar chud pa bzhin / /
nam yang 'byung ba rnyed par 'gyur ma yin / /
zhes gsungs te / rnam pa sum cu rtsa gnyis kyis brtags nas mi sdug par bsgoms so / /
de nas byang chub sems dpa' khang bzangs kyi steng du song ste / sangs rgyas thams cad la phyag 'tshal te bltas pas / brgya byin dang / rgyal po sde bzhi dang / nyi zla gnyis kyang phyag 'tshal zhing 'dug par mthong ngo / /
skar ma rgyal yang shar bar mthong nas 'dun pa la smras pa / nga yi bkra shis 'di ni don kun grub / /
do nub gdon mi za bar don grub kyis / /
'dun pa phyi bshol ma byed la gor du / /
rta rgyal rgyan gyis brgyan pa nga la byin / /
des smras pa / gang du bzhud smras pa / mngon par 'byung ba'o / /
de nas 'dun pas