[A:70b]lan mang du bzlog kyang / /
'dod pa'i nyes dmigs mang du gsungs te ma zlogs pa dang / lha'i bu zhi ba'i blo gros dang / brtse ba bkod pas / ser skya ba rnam gnyid log cing / sgra mi grag par byas so / /
byang chub sems dpas kyang / 'dun pa la rta byin cig ces smras so / /
de'i tshe lha'i dbang po dang rgyal chen bzhi yang ser skyar lhags so / /
'dun pas dus ma lags so / /
zhes smras pa dang / byang chub sems dpas smras pa / sems can rnams kyi don ni tshol ba la / /
byang chub rga shi med pa'i gnas thob nas / /
'gro ba sgrol zhes nga yis yun ring nas / /
smon lam btab pa de yi dus la bab / /
ces smras pa dang / lha'i bu yang dag skul pos bskul ba / stobs dang brtson 'grus 'phags pa myur du bzhengs / /
sdug bsngal nyen pa'i sems can thams cad sgrol / /
da ni mngon par 'byung ba'i dus la [C:95]bab / ces bskul lo / /
de nas brgya byin gyis bkra shis kyi sgo phye / 'dun pas rta sngags ldan brgyan te phul ba [B:64a]la chibs te / rgyal chen bzhis bteg nas nam mkha' la byon te / tshangs pa brgya byin gyis lam bstan / 'od kyis mun pa bsal / /
mchod pa dang / rol mo sna tshogs dang bcas te / gyad kyi yul 'das te / mchod rten rnam dag gi drung du phyin pa dang / rta dang rgyan / 'dun pa la byin te / slar bzlog cing / der mchod rten brtsigs pas / 'dun pa slar log pa'i mchod rten zer ro / /
de nas mchod rten rnam dag gi rtsar / nyid kyi gtsug phud bcad pa / lha rnams kyis gdan drangs te mchod rten brtsigs pas / gtsug phud kyi mchod rten zhes zer ro / /
de nas rab tu byung ba'i tshul dang ka shi ka'i gos mi mthun pas / rab byung gi tshul dang mthun pa'i gos