[A:71a]shig rnyed na rung snyam pa dang / gnas gtsang ma'i lha rngon pa'i gzugs su sprul pas / gos ngur smrig phul lo / /
byang chub sems dpas kyang / ka shi ka'i gos rnams de la byin no / /
des kyang lag pa gnyis kas blangs te / spyi bor bzhag nas mchod pa'i phyir lha'i 'jig rten du song ngo / /
de 'dun pas mthong nas mchod rten brtsigs pas / ngur smrig blangs pa'i mchod rten zer ro / /
de'i tshe don grub rab tu byung ngo zhes pa'i sgra 'og min gyi bar du grag go /
'dun pas kyang rta dang rgyan khyer te / rgyal po dang btsun mo'i 'khor gyi mya ngan bsal lo / /
de nas byang chub sems dpas / gtsug phud bcad / ngur smrig bgos te rab tu byung nas / bram ze rigs ldan la sogs pa'i gnas su song nas yangs pa can du byon pa dang / sgyu rtsal shes kyi bu ring 'phur slob ma sum brgya la ci yang med pa'i skye mched ston pa de'i drung du phyin te / slob mar khas blangs te bslabs pas ci yang med pa'i sems mngon du gyur te / ring 'phur la khyod kyis chos 'di tsam zhig khong du chud dam smras pa / de bzhin no / /
byang chub sems dpas smras pa / de kho bos kyang khong du chud do / /
smras [B:64b]pa / ngas gang shes pa khyed kyis shes / khyed kyis gang shes pa ngas shes kyis / gnyis kas slob ma'i tshogs la bstan no / /
zer ro / /
de nas byang chub sems dpas chos 'dis nges par 'byung bar mi 'gyur gyis / de bas lhag pa zhig / btsal lo snyam ste / rim gyis ma ga nghar song ste ri skya bor bzhugs so / /
de nas chu dron can gyi sgo nas rgyal po'i khab kyi grong khyer du zhugs so / /
de'i tshe grong khyer pa rnams dang / rgyal po gzugs can snying po