[A:71b]shin tu dad de rgyal srid kyi shas phul ba yang ma bzhes so / /
de nas rangs byed kyi bu lhag spyod slob ma [C:96]bdun brgya la srid rtse'i sems ston pa mthong nas / bdag 'di lta bu'i brtul zhugs dang dka' thub brtsams nas / bdag khyad par du 'phags pa'i 'du shes bskyed cing / zag bcas kyi bsam gtan sun dbyung ngo snyam ste / de'i slob mar khas blangs nas / myur du srid rtse'i sems khong du chud nas sngar bzhin brjod nas / 'dis ni myang 'das su 'gyur ba ma yin no zhes sun phyung ste song ngo / /
de'i tshe lnga sde yang byang chub sems dpa'i rjes su 'brangs te rim gyis ri ga ya'i rtse mor / sngar ma shes pa'i dpe gsum mngon du gyur te / chu bo ne ranydza na'i 'gram du phyin nas / bdag snyigs ma lnga'i dus dman pa la mos pa / brtul zhugs ngan pas dag par 'dzin pa sun dbyung ba'i phyir / brtul zhugs dang dka' thub brtsam mo snyam ste / lo drug tu mkha' khyab kyi ting nge 'dzin la bzhag ste / til 'bru gcig dang / rgya shug 'bru gcig dang / 'bras 'bru gcig gis lo drug tu dka' ba spyad de / dbugs rgyu ba bcad de bzhugs so / /
de'i tshe lha'i bu cig gis lha mo sgyu 'phrul la gzhon nu shi'o zhes brjod pas / lha mos 'ongs pa dang / byang chub sems dpa'i lus bskams pa dang / shi ba dang 'dra ba mthong nas / bltams ma thag tu nga'i skye ba'i mtha' ma 'di'o zhes pa'i dam bca' yang ma [B:65a]rdzogs drang srong nag po'i lung bstan yang mi bden no / /
zhes smre sngags 'don pa la / byang chub sems dpas smras pa / nyi zla skar tshogs sa la ltung 'gyur srid / /
so so skye bo yin yang nga mi 'chi / /
de phyir 'di la mya ngan khyod ma byed / /
ring por mi thogs byang chub sangs rgyas mthong / /
zhes smras pas dga'