[A:72a]ste gnas su song ngo / /
grong gi ba lang rdzi la sogs pas kyang rna bar shing bal bcug nas / snar 'byin pa la sogs byed do / /
bdud kyang srog gces par gyis shig ces pa la sogs snyan par smras shing / glags btsal yang ma rnyed do / /
de nas byang chub sems dpas dka' thub kyis grol bar 'dzin pa dgag pa'i phyir / zas rags pa zos la byang chub snying por 'gro'o snyam ste / zas rags pa bza'o zhes brjod pas lnga sde ma dad nas b'a ra Na sir song ngo / /
byang chub sems dpas legs skyes ma'i bran mo grum ma zhes pa'i ro gso ras kyis dkris pa de blangs te / lhas lag pa brdabs pa'i rdzing du brgya byin gyis bzhag pa'i rdo leb la bkrus so / /
de ngal te rdzing nas 'byung snyam pa la bdud kyis gad pa mthon por sprul pa la / /
shing gi lha mos yal ga smad pa la 'jus te byung nas / shing sgrub byed kyi drud du phyag dar khrod kyi snam sbyar bsgrubs shing gnas gtsang ma'i lhas kyang / gos ngur smrig phul ba bzhes te spyod yul gyi grong du zhugs so / /
[C:97]de nas lhas sbran te / legs skyes mos ba stong gi 'o ma lan bdun du nying khur byas pa dang / 'bras dang 'bru sar pa blugs / /
te btsos pas / de'i nang du dpal be'u la sogs pa'i bkra shis pa dag snang bas dga' ste / mtshan mkhan gyis kyang bdud rtsi thob par lung bstan no / /
de nas byang chub sems dpa' mgron du bos nas 'o thug sbrang rtsi can gyis gser snod bkang ste phul bas bzhes nas / ne ranydza na'i 'gram [B:65b]du song ste / zas dang chos gos bzhag nas khrus mdzad pas / lhas mchod cing / khrus chu lhas khyer la / skra dang / ag tshoms legs skyes