[A:72b]mas khyer te / chu de'i klu mos phul ba'i seng khri la bzhugs te / 'o thug gsol nas / gser snod chur bor ba klu'i rgyal po rgya mtshos khyer ba la brgya byin gyis blangs nas / sum cu rtsa gsum du khyer nas / lo re bzhin snod kyi dus ston byed do / /
byang chub sems dpas khrus byas / zas zos pas / lus mthu dang ldan pas bdud las rgyal ba'i phyir byang chub kyi shing drung du skyes bu chen po'i stobs kyis chas so / /
rlung dang char gyis lam phyags shing chag chag gdab / /
ri shing thams cad dang / bu chub btsas ma thag thams cad kyang mgo de phyogs su ston no / /
stong gsum gyi bdag po tshangs pa dbang bsgyur gyis 'khor la byang chub sems dpa' do nub byang chub snying por 'gro yis / mchod pa'i las gyis shig ces bsgos nas / mchod pa'i bkod pa bsam gyis mi khyab pa sprul lo / /
byang chub sems dpas 'od bkye ste / nyon mongs dang sdug bsngal zhi zhing snod dag par sbyangs te / klu nag pos bstod do / /
de nas lam gyi g.yas na rtswa 'tshong bkra shis rtswa brnga ba la / bkra shis rtswa ni nga la myur du byin / /
de ring nga la rtswas ni don chen 'gyur / /
dpung dang bcas pa'i bdud ni bcom nas su / /
byang chub dam pa zhi ba reg par 'gyur / /
zhes gsungs pa dang / des kyang rtswa sngo 'jam yid du 'ong ba phul te / khyer nas byang chub shing la lan gsum bskor te / rtswa rtse mo nang du bstan nas rtsa ba phyir bstan pa la / shar phyogs su bltas te 'dug nas lus drang por bsrangs / dran pa mngon du bzhag nas / stan 'dir 'dug gi lus ni bskams kyang rung / /
pags pa rus pa sha rnams zhig kyang rung / /
bskal mang rnyed dka'i byang chub ma thob par / /
stan 'di las ni lus bskyod