[A:74a]pa la sogs pa / g.yo sgyu so gnyis bstan kyang bslur ma tshugs pas sdig can yid mi dga'o / /
de'i tshe shing gi lha mo dpal ldan la sogs brgyad kyis / byang chub sems dpa' la khyod ni dgung zla yar gyi ngo ltar mdzes pa'o / /
zhes sogs bcu drug gis bstod do / /
gnas gtsang ma'i lhas bdud la sdig can khyod ni glang rgan 'dam du bying ba ltar nyam chung ba'o / /
zhes sogs bcu drug gis smad cing / lha rnams kyi bcu drug gis bzlog kyang / mi sdog par / mtshon cha sna tshogs 'phangs shing cho 'phrul sna [B:67a]tshogs bstan yang glags ma rnyed cing bdud dpung mi 'khrugs pa yang 'thor te zhag bdun du ma phrad do / /
bdud mang pos byang chub tu sems bskyed do / /
de nas byang chub sems dpas bsam gtan bzhi bskyed / rig pa gsum bskyed nas / nam gyi cha smad skya rengs 'char kha rnga brdung ba'i tshod tsam na / rten 'brel bcu gnyis dang bden bzhi shes nas / skad cig gcig dang ldan pa'i shes rab kyis mngon par sangs rgyas so / /
de nas shing ta la bdun tsam du 'phags te / lam gyi rgyud ni chad do zhes pa la sogs pa ched du brjod pa brjod do / /
lha rnams kyis kyang me tog pus nub tsam gtor te mchod do / /
'jig rten snang bar byas / sa g.yos / phyogs bcu'i sangs rgyas kyis chos kyi dga' ba bskur / phyag brkyangs te / bdag cag ji ltar byang chub thob ltar khyod sangs rgyas / /
dper na mar dang mar gyi snying khu mtshungs 'dra bzhin / zhes gsungs shing / lha'i bu mo rnams kyis bstod do / /
ston pas kyang / bsod nams rnam smin bde ster sdug bsngal thams cad sel / /
bsod nams ldan pa'i