[A:76b]sus kyang bsu bar mi bya / ldang bar mi bya / chos gos dang lhung bzed blang bar mi bya / stan lhag pa 'di la 'dod na 'dug cig zer ba'i 'og khrims bcas te / kun shes kyis sems kyis khas ma blangs so / /
de ltar ston pa byon pa dang lnga sdes ma bzod nas / khrims dral te stan las langs te / la las bsu / la las gdan gting / la las zhabs bkru ba'i chu bshams nas / khyod legs par byon to / /
gdan 'di la bzhugs su gsol zhes gsol pa dang / ston pas gdan la bzhugs nas lnga sde / mgu bar bya ba'i phyir gtam mang po byas te / lnga sdes / tshe dang ldan pa gau ta ma / dbang po gsal la / pags pa ni yongs su dag na / ye shes mthong ba'i khyad par mngon du mdzad dam / bka' stsal pa / khyod de bzhin gshegs pa la tshe dang ldan pa ma zer cig /
yun ring por mi bde bar gyur ta re / ngas ni bdud rtsi thob bo / /
sangs rgyas so / /
thams cad mkhyen pa'o / /
khyed cag gis 'og khrims 'di ltar ma bcas sam / zhes bka' stsal pas de dag dge slong du gyur te / ston pa'i zhabs la gtugs te nyes pa bshags nas gus pa bskyed do / /
ston pas sku bsil nas / gang du chos 'khor bskor snyam pa dang / phyogs der rin chen sna bdun gyi khri stong byung ba'i gsum la skor ba byas te / bzhi pa la bzhugs nas / 'od kyis stong gsum snang bar gyur cing / sa g.yos / sems can rnams dag par byas so / /
de nas lha rnams kyis gser gyi 'khor lo rtsi bas stong dang ldan pa [B:69b]phul nas chos kyi 'khor lo bskor bar gsol pa dang / nam gyi cha stong la cang mi gsung [C:103]ba dang / gung thun la yang dag par 'chag pa'i gtam