[A:77b]shes te mthong lam ni 'khor lo dang myur du 'gro ba dang / 'dor ba dang / 'jug pa'i phyir dang / ma rgyal ba las rgyal bar byed pa dang / rgyal ba rnal du 'god pa'i phyir dang / 'phar ba dang 'bab pa'i phyir chos [B:70a]mthun pas chos kyi 'khor lo'o / /
btsun pa dbyangs sgrog na re / 'phags lam yan lag brgyad kyi lta ba rtog pa rtsol ba dran pa rnams rtsibs / ngag /
las mtha' / 'tsho ba gsum lte ba / ting nge 'dzin mu khyud dang chos mthun pas 'khor lo'o / /
mthong lam chos kyi 'khor lo yin te / kau NDi n+ya la de skyes pa la chos kyi 'khor lo bskor zhes gsungs so / /
lan gsum du bzlas pa ni 'di ni sdug bsngal lo zhes sogs dang / de yongs su shes par bya'o zhes dang / de yongs su shes so zhes pa'o / /
bzlas pa re rer mig skyes so / /
shes pa dang / rig pa dang / blo skyes so / /
zhes sbyor ba dang / bar chad med pa dang / rnam grol dang / khyad par gyi lam skyes par bstan pa ni rnam pa bcu gnyis so / /
'o na bzlas [C:104]pa bcu gnyis dang rnam pa drug cu rtsa bzhir 'gyur ro zhe na / gsum tshan dang bcu gnyis tshan du chos mthun pa'i phyir skyon med do / /
bzlas pa gsum pos mthong bsgom mi slob pa gsum bstan no zhes bye brag smra pa zer ro / /
de ltar na chos kyi 'khor lo lan gsum bzlas pa dang rnam pa bcu gnyis ma yin par 'gyur te / mthong lam kho na lan gsum bzlas pa dang rnam pa bcu gnyis ma yin pa'i phyir ro / /
des na chos kyi rnam grangs de nyid chos kyi 'khor lo yin te lan gsum du bzlas pa ni bden pa rnams lan gsum du bzlas pa'o / /
rnam pa bcu gnyis ni sdug bsngal dang kun 'byung ba dang 'gog pa dang lam mo zhes pa dang / yongs