[A:79a]'phrul yin pas so / /
zhes 'bum phrag gsum pa gsung zhes khro phu lo tstsha ba dang / chag lo tstsha ba rnams gsung ngo / /
sdud pa ni rjes la 'khor rnams bzhi dga' bar bya ba'i phyir / ma ga ngha'i skad kyis gsungs so zhes 'grel par 'byung ngo / /
dgos pa ni gdul bya rnams lta bar song ba thams cad bzlog nas / bgrod pa gcig pa'i lam stong pa nyid du tshul gcig pa la 'god pa'o / /
rgya tsher rol par / kun gzhi med cing spros pa med / /
skye 'gag med cing blang dor med / /
stong pa nyid du tshul gcig pa'i / /
chos kyi 'khor lo rab bskor ro / /
zhes so / /
de dag 'khor lo bar pa yin par yang shes phyin nas / lha rnams kyis nam mkha' la lhung lhung 'degs kyi sgra phyung ste / kye ma 'dzam bu'i gling du chos kyi 'khor lo gnyis pa bskor ba yang mthong ngo zhes pas so / /
gsum pa don dam rnam par nges pa'i 'khor lo ni / gnas ni ri ma la ya dang yangs pa can la sogs [C:106]pa [B:71b]'o / /
'khor theg pa sna tshogs la mos pa zhes gsung yang / theg pa thams cad la yang dag par zhugs pa'i byang sems su rigs so / /
dus ni mchims pa lo bcu zer ro / /
khro lo na re lo ba cu gnyis zer ro / /
chag na re / lo bdun nam dgu zer ro / /
kha cig lo nyi shu rtsa drug gam rtsa brgya zer ro / /
dus kakyi nges pa 'di rnams kyi khungs gsal ba kho bos ma mthong ngo / /
chos ni don dam rnam par nges pa'i chos sngar 'khor lo dang pos med par lta ba bzlog pas / yod rtog shes cher gyur pa la 'khor lo bar pas / med par lta ba shas cher gyur pa la / 'dis kun btags med / gzhan dbang kun rdzob tu yod / yongs grub