[A:82a]chos bzhis mya ngan bsal lo / /
kun dga' bos yul 'dir 'da' ba'i rgyu zhus pas / sngar rgyal po legs mthong chen po la sogs pa 'khor los sgyur ba drug 'dir 'das / sangs rgyas dang bdun 'da'o zhes gsung ngo / /
de'i tshe dge slong dpe can gyi gzi brjid lha rnams kyis mi bzod pas bskrad do / /
kun dga' bos / sku gdung la mchod pa ji ltar bgyi zhus pas / 'khor los bsgyur rgyal la byed pa bzhin du / lus shing bal gyi lwa bas dkris / ras zung lnga brgyas g.yogs / lcags kyi sgrom du bcug nas / 'bru mar gyis bkang / steng nas lcags kheb gnyis kyis bkab nas [B:74a]dri zhim po'i shing spungs bsregs nas / me 'o mas bsad de / rus pa gser gyi bum par bcug nas / bzhi mdor mchod rten brtsigs nas / mchod cing dus ston byed pa bzhin du bya'o / /
zhes gsungs so / /
de nas rtswa can gyi gyad rnams la / de bzhin gshegs pa do nub 'da'o zhes sbran pas / gyad rnams 'dus te spyan sngar phyin pas / chos bstan / de dag la / kun dga' bos dge bsnyen gyi sdom pa phog nas song ngo / /
de nas ston pas sku dngos kyi gdul bya / rab bzang dang / rab dga' gnyis las pa la / rab dga' 'dul ba'i phyir pi wang rgyud stong pa khog pa beeD'urya las byas pa bsnams te / dri zar sprul te / rab dga'i sgo drung du phyin pa dang / de dang glu dbyangs 'gran cing / rgyud rim gyis gcig ma gtogs pa bcad kyang / sgra gdangs khyad med do / /
de nas ston pas rgyud gcig kyang bcad de / nam mkha' kho na la / sgra gdangs sngar bzhin du gyur pa dang / rab dga' nga rgyal chag