[A:82b]ste ngo mtshar skyes pa dang / ston pas [C:110]sku mngon sum du bstan te / de la rab dga' dad nas phyag byas te chos nyan pa'i phyir 'dug pa la chos bstan te bden pa mthong ngo / /
de'i tshe rtswa can na kun tu rgyu rab bzangs lo brgya nyi shu lon pa dgra bcom par grags pa zhig yod pas / rdzing dal 'bab kyi 'gram / u dum w'a ra'i tshal gyi me tog rnyings pa dang / ston pa mya ngan las 'da'o zhes thos pa'i rgyus / bdag gi the tshom sel bar 'gyur srid snyam ste song nas kun dga' bo la lan gsum zhus pas ma gnang ba ston pas mkhyen nas / nga dang mu stegs can gtam gleng ba'i tha ma 'di yin gyis / thong gsungs nas / rab bzangs la dga' bar bya ba'i gtam mang po mdzad nas / rab bzangs nga ni na tshod nyi shu dgu lon te / rab tu byung nas lo grangs lnga bcu lhag cig tu / /
dge ba gang yin ci zhig byas gyur cing / rab bzangs chos 'dul ba gang la 'phags lam yan lag brgyad med [B:74b]pa de la dge sbyong gi 'bras bu bzhi med la / yan lag brgyad yod na yod de / 'di las phyi rol na dge sbyong med ces sogs gsungs pas bden pa mthong / tshur shog gis bsnyen par rdzogs pas dgra bcom thob ste / ston pa mya ngan las 'da' ba blta bar mi bya'o / /
snyam nas gnas lnga byin gyis brlabs nas / mya ngan las 'das so / /
de nas ston pas mu stegs can sh'akya dang me pa ral ba can ma gtogs pa rab tu mi dbyung / 'khor rnam bzhis phan bder 'gyur ba'i gsung rab bcu gnyis bklag /
ston pa so thar la gyis / rgan pas gzhon pa rnams yo byad kyis bsdu / gzhon pas rgan pa'i ming 'bod mi bya / dad pa can la ston pa 'khrungs pa / sangs rgyas