[A:83b]khyer skra can du lha las babs pa dang / rtswa can du tha ma'i gzims mal du gshegs pa rnams bris / gzhong rings mar sar gyis gang ba bdun / brgyad pa tsan dan gor shi shas bkang ba rnams zhog la / rim gyis ston la / de nas brgyal ba dang / gzhong rings bdun dang / brgyad par bcug pas sos so / /
zhes bslabs pa bzhin / dbyar byed kyis byas te / rim pa bzhin bstan te / 'di ni rtswa can du ston pa tha ma'i gzims mal du gshegs pa'o / /
rgyal pos smras pa / ci ston pa 'das sam / cang mi zer ro / /
de nas rgyal po 'gyel zhing brgyal ba la sngar bslabs pa bzhin byas pas gso so / /
de'i tshe dge slong zhig gis / s'a la zung ni rab mdzes pa'i / /
ljon shing mchog gi tshal du 'dir / /
ston pa mya ngan 'das pa la / /
me tog dag gis rab tu gtor / /
brgya byin gyis / kye ma 'dus byas mi rtag ste / /
skye zhing 'jig pa'i chos can yin / /
skyes nas 'jig par 'gyur ba ste / /
de dag nye bar zhi ba bde / /
tshangs pas / 'byung po kun gyis 'jig rten 'dir ni bsags pa'i mtha' / /
'dod 'gyur 'jig rten 'di na gang zag zla med cig /
de bzhin gshegs pa stobs rnams brnyes pa spyan ldan pa / /
ston pa 'di lta bu yang yongs su mya ngan 'das / /
ma 'gag pas / brtan pa'i thugs kyis skyob mdzad cing / /
mi g.yo zhi ba brnyes gyur pa / /
dbugs dbyung ba dang dbugs 'gags nas / /
spyan ldan yongs su mya ngan 'das / /
de'i tshe dge slong kha cig sa la 'gre [B:75b]ldog /
kha cig ku co 'don / kha cig sdug bsngal gzir cing 'dug /
kha cig chos nyid la brten nas rtog cing gnas so / /
sang nang