[A:84a]par kun dga' bos ra / tswa can gyi gyad rnams la sbran te / gyad rnams kyis nyi ma bdun gyi bar la sto gon byas nas / bdun pa la / gyad kyi chung ma dang / bu mo rnams kyis bla re bres / gyad gzhon nu dag gis khyogs bzung / lha rnams kyis dri dang phreng ba dang bdug pa la sogs pas bkur stir byas te / rtswa can gyi nub sgo nas dbus la zhugs / shar sgo nas 'thon dbyig ldan rgal gyad kyi dbu rgyan btags [C:112]pa'i mchod rten gyi drung du bzhugs su gsol te / lha rnams kyis me tog pus nub tsam gtor ro / /
de'i tshe / 'tsho ba zhig gis me tog mang po blangs te / sdig pa can gyi grong du song ba dang / 'od srungs chen po gdung ma nyams pa la phyag 'tshal 'dod nas 'ongs pa dang phrad de / ston pa 'das pa'i gtam bsnyad pas / rgan zhugs shig 'di skad du / kye dge slong dag 'di ni bya ba'o / /
'di ni bya ba ma yin pa'o / /
zhes smra ba las thar ro / /
da ni nus pa bya / mi nus pa mi bya'o / /
zhes smras pa de / lhas bsgribs te / 'od srungs ma gtogs pas mi thos pa byas so / /
'od srungs kyis dge 'dun rnams myur du sku gdung ma nyams pa la blta ba'i phyir rings par 'gro'o zhes bskul lo / /
de'i tshe gyad rnams kyis / /
gdung 'khor los bsgyur rgyal la bya ba ltar byas te / zhugs la gzhen par 'dod kyang me ma 'bar ba / ma 'gag pas / 'od srungs ma sleb pa yin par shes te / smras pa dang / 'od srungs sleb ste / sgrom phye ras dang shing bal bsal te / sku ma nyams pa la phyag byas so / /
de'i tshe nyan thos chen po kun shes / skul byed / stobs bcu 'od srungs / 'od