[A:84b]srungs chen po ste bzhi las / ye shes ldan zhing bsod nams che ba 'od srungs chen pos / shing bal gyi 'dab ma gzhan dang ras zung lnga brgya gzhan gyis kyang dkris / lcags kyi sgrom du bcug /
'bru mar gyis bkang / [B:76a]lcags khab gnyis kyis bkab ste / dri zhim pa'i shing thams cad spungs pas / mi rang 'bar du gyur te / kun dga' bos smras pa / rnam par 'dren pa rin chen sku mnga' ba / /
rdzu 'phrul chen po tshangs pa'i 'jig rten gshegs / /
sangs rgyas sku la ras zung lnga brgya dang / /
chos gos stong snyed kun tu dkris gyur pa / /
nyid kyi gzi brjid kyis ni sku gdung dang / /
shin tu dkris pa rab tu tshig par gyur / /
de la chos gos gnyis ni ma tshig pa / /
nang rim dang ni phyi rim 'di rnam gnyis / /
zhes so / /
de nas gyad rnams kyis me 'o mas bsad de / 'o ma las gser can / ser skya / rta don / u dum w'a ra ste bzhi skyes so / /
sku gdung rnams gser gyi bum par bcug ste / grong khyer gyi dbus su bzhugs nas / mchod pa byas so / /
de nas yul sdig pa can gyi gyad rnams kyis / ston pa 'das nas zhag bdun lon par thos te / dpung yan lag bzhi go bskon nas rtswa can gyi gyad rnams la smras pa / ston pa 'di nged la yun ring po nas phangs shing sdug pa yin te / khyed kyi grong gi nye 'khor du 'das pa / gdung sha ri ram gyi skal ba nged la byin cig / sdig pa can du mchod rten brtsigs nas mchod pa dang / dus ston bya'o / /
mi ster na dmag gis dbrog go /
de dag gis smras pa / de bzhin bya'o / /
de bzhin du yul [C:113]rtogs pa g.yo ba'i rgyal rigs bu lu ka dang / sgra sgrog gis kyi kro dha ba dang / khyab 'jug gling gi bram ze dang / ser skya'i sh'akya dang / yangs pa can gyi li tsa byi