[A:88b]brjod do / /
gang pos rab mtha'i bsam gtan la zhugs te bltas nas / gaND'i brdungs pas ba lang bdag ma gtogs pa 'dus so / /
gang po la [B:79b]ba lang bdag 'bod par bsgobs / rdzu 'phrul gyis shi ri sha ka'i gzhal med khang na ba lang bdag gnas par song nas phyag byas te / 'di skad ces / 'od srangs la sogs pa'i dge slong dge 'dun rnams tshe dang ldan pa ba lang bdag nad med par gyur cig / dge 'dun gyi bya ba cung zad yod kyis / myur du bos shig zer ro / /
zhes smras pa dang / de 'dod chags dang bral ba yin yang / byams pa'i bag chags kyis bsgos pas bskyed de smras pa / tshe dang ldan pa gang po / /
bcom ldan 'das gdul bya'o don du 'jig rten gzhan du ma gshegs sam / dge 'dun 'thab pa dang rtsod pa dang 'gyed pa dang / mtshang 'bru 'am / de bzhin gshegs pas chos kyi 'khor lo bskor ba mu stegs kyis ma bzlog gam / de dag 'dus nas nyan thos kyi dge [C:118]'dun la gnod pa ma byas sam / de bzhin gshegs pa nyi ma dang 'dra ba la / nyon mongs pas dkris pa'i dbang du gyur pa'i dge sbyong dang / bram ze dang / spyod pa ba dang / kun tu rgyu dag gis brnyas par ma gyur tam / ma rig pa'i mun pas g.yogs pa'i blo gros can dag gis dge 'dun 'dus pa'i dbyen ma byas sam / de bzhin gshegs pa'i chos dang 'dul ba la / chos dang 'dra ba 'i tshig dang / yi ge dang / lta ba'i dri ma ma byung ngam / tshangs pa mtshungs par spyod pa dag klog pa dang / 'don pa dang / yid la byed pa dag las blo bsgyur zhing 'dus nas gre mo'i gtam byed par ma gyur tam / the