[A:94b]ston pas nga la bstan pa gtad nas 'das so / /
nga yang mya ngan las 'da' bas bstan pa khyod kyis skyongs shig /
khyod kyis kyang sha na'i gos can la gtod cig /
de nas 'od srungs kyis sku gdung gi mchod rten brgyad / klu'i yul gyi tshems mche ba mchod de / sum cu rtsa gsum du phyin te / tshems [B:85a]mche ba la mig mi 'dzum par bltas nas / spyi bo la bzhag ste mchod nas / lha rnams la bag yod par byos shig /
ces gdams nas rgyal po'i khab tu phyin te / ma skyes dgra la sbran pas gnyed du song ste / sad pa dang sbran no zhes smros shig /
ces byas nas / lho ri bya rkang gi ri la 'dzegs te / ri gsum gyi dbus su rtswa bting ste / bcom ldan 'das kyi phyag dar khrod kyi snam sbyar gyon te / byams pa'i gsung rab rgyas kyi bar du mi nyams par byin gyis brlabs te cho 'phrul du ma bstan nas mya ngan las 'das so / /
de nas lha rnams kyis mchod nas ri gsum bkab ste / smre sngags mang po bton nas mi snang mi snang bar gyur to / /
de'i tshe ma skyes dgra / rgyal rigs kyi zhang po rgyud chad pa rmis nas sad pa dang / 'od srungs [C:126]'das pa thos te brgyal lo / sangs pa dang bya rkang gi ri la 'dzegs pas / gnod sbyin gyis ri phye'o / /
de la rgyal pos phyag mchod byas te bsreg par brtsams pa dang / kun dga' bos 'di ni byams pa'i gsung rab byung gi bar byin gyis brlags te / byams pa'i nyan thos bye ba dgu bcu rtsa dgus 'od srungs kyi lus 'di bzung nas / sh'akya thub pa'i nyan thos sbyangs pa'i yon tan 'chang ba'i mchog ste / des bstan pa bsdus so / /
zhes bstan pas / de dag gi mi rnams chung zhing / ston pa'i sku che bar