[A:95a]shes so / de nas byams pas 'di sh'akya thub pa'i snam sbyar ro zhes bstan pas 'khor rnams kyis sbyangs pa'i yon tan len cing dgra bcom pa thob par byed pas / 'di bsreg mi nus kyi / mchod rten brtsig par bya'o / /
de nas mchod rten brtsigs nas mchod pa byas so / /
de nas ri gsum bkab bo / /
de nas kun dga' bo mya ngan las 'da' ba ma skyes dgra la ston par khas blangs te / 'od ma'i tshal du gnas pa'i tshe sha na'i gos can rgya mtsho bde bar brgal te 'ongs nas bdag lo lnga'i dus ston bgyid na ston pa gang [B:85b]na bzhugs / de 'das so / /
zhes smras pas brgyal lo / /
sangs pa dang sh'a ri'i bu la sogs pa gang na bzhugs / de dag kyang 'das so / /
de nas kun dga' bo dge 'dun dang bcas pa la lo lnga'i dus ston byas te / mthar rab tu byung nas sde snod gsum la mkhas par byas so / /
de'i tshe dge slong zhig gis / gang na lo brgya 'tsho ba ni / /
nges par chu la bya gag bzhin / /
chu la bya gag mthong ba ltar / /
bdag nyid gcig pu'i 'tsho ba dge /
de kun dga' bos thos nas / ston pas de skad ma gsungs kyi / 'on kyang gang na lo brgya 'tsho ba ni / /
nges par skye dang 'jig pa yin / /
gang zag gnyis la ston pa yis / /
sa 'dir brtag par bshad pa ni / /
ma dad zhe sdang blo can dang / /
dad la phyin ci log gyur pa'o / /
mdo sde log par bzung gyur pas / /
ba lang 'dam du song ba bzhin / /
de ni nye bar 'jig 'gyur te / /
rang gi 'chi blo'i blo med pa / /
thos pa mi shes 'bras bu med / /
log par shes pa dug dang 'dra / /
thos pa yang dag nyid shes