[A:9b]bden gyi mtshan nyid de bzhin nyid la dmigs pas gang du zag pa dang bcas pa'i dngos po 'gags pa ste / kun btus su / de bzhin nyid la dmigs pas gang du zag pa dang bcas pa'i dngos po 'gag pa de / 'gog pa'i mtshan nyid do / /
zhes so / /
de yang slob mi slob kyi spangs pa dang / lhag med kyi myang 'das dang / theg chen lugs kyi sangs rgyas kyi chos sku'o / /
lam bden gyi mtshan nyid zag med ye shes 'khor bcas 'gog pa mngon du byed pa'i thabs te / mdzod du / zag med lam gyi bden pa dang / /
zhes pa'am / rgyud [C:12]blar / dag gsal gnyen po'i phyogs nyid kyi / zhes so / /
de yang mthong sgom mi slob lam gsum zag med dam / theg chen gyi lam bden ni / rgyud blar mthong sgom gnyis la 'dod do / /
tshogs sbyor gnyis ni lam bden gyi 'khor yin no / /
lung gi chos kyi mtshan nyid ni / rtogs pa'i chos la 'jug pa'i rjod byed do / /
de la spros pa las byung ba'i bag chags dang / chos kyi dbyings kyi rgyu mthun pa las byung ba'i mngon brjod do / /
dang po ni / rta dang glang po la sogs pa'i gtam sna tshogs pa ste 'khor ba dang chos mthun pas / 'jig rten pa'i mngon rjod ces kyang bya'o / /
gnyis pa ni / gsung rab yan lag bcu gnyis te / de yang chos nyid rtogs par byed pa'i rgyu mthun nam / chos dbyings rtogs pa'i rgyu mthun las byung bas der brjod de / rgyu mthun don gyi mtshan nyid dang / zhes dbus mthar byung zhing / don gsal 'grel par / chos kyi dbyings kyi rgyu mthun par gyur pa zhes so / /
paNDi ta su n+ya shr'i'i zhal snga nas / chos [B:9a]thams cad stong nyid rtogs pa'i rtsa ba can yin te / bya chung 'bring che