[A:95b]pa / /
bral ba 'bras bu blo ldan yin / /
des de'i mkhan po la smras pa / /
kun dga' bo ni rgas gyur te / /
de yi dran pa'ang nyams par gyur / /
smras pa / rgas ba dag gis gzir gyur pa / /
lus can de ni dran pa nyams / /
yang dag rjes su mi dran pa / /
de yi blo ni rgas pas non / /
de kun dga' bos thos nas / de la smras na 'thab mor 'gyur / de'i mkhan po'i drung du bdag 'gro bar mi rigs pas mya ngan las 'da' bar bya'o snyam [C:127]ste / rnying pa dag kyang sngar 'das te / /
gsar bu de dang bdag mi mthun / /
bdag ni gcig pu bsam gtan la / /
sgo nga las skyes bzhin du gnas / /
bdag gi grogs dang mdza' bo kun / /
sngon du 'das shing song bar gyur / /
ji ltar bsam gtan gnas dran pa / /
de 'dra'i bshes gnyen 'di na med / /
de na sha na'i gos can la / ston pas 'od [B:86a]srungs la / des kyang nga la bstan pa gtad to / /
nga'ang 'da' bas / bstan pa khyod kyis skyongs shig /
yul bcom brlag gi ri mu run dar / tshong dpon gyi bu n'a ta dang pha tas gtsug lag khang brtsigs nas / sbyin bdag byed par lung bstan no / /
der spos tshong sbas pa'i bu nyer sbas rab tu phyung zhig /
nga 'das nas lo brgya na de mtshan med pa'i sangs rgyas su 'gyur te / sangs rgyas kyi bya ba byed do / /
zhes ston pas lung bstan no / /
des de bzhin bya'o zhes so / /
de nas ma skyes dgra la sbran te gangg'a'i dbus su song ngo / /
rgyal pos gdugs kyi yu ba chag pa rmis nas / sad pa dang sbran pa thos te brgyal lo / /
sangs pa dang dpung dang bcas te gang g'ar song ngo / /
de'i tshe lhas yangs pa can pa la / 'phags pa kun dga' bo 'gro ba'i sgron ma ni / /
skye bo phal