[A:98b]chen por 'gyur bas / ming mi dbyung bar brjod par bya'o snyam ste / rgan pa'i mtha' logs su thal mo sbyar te 'dug go /
de'i tshe zla sgur 'gog pa las langs pa la / lha zhig /
khyed dang mkhan po gcig pa'i dgra bcom pa bdun brgyar gcig gis ma tshang ba bstan pa sdud pas / rings par bzhud cig /
des rdzu 'phrul gyis khyams kyi sgor 'dug ste sgo brdungs pas / khyod su yin 'dri ba la / gang dag dmar bu can na gnas pa yi / /
dge sbyong mar du thos pa 'dul ba 'dzin / /
de dag las ni gzhan zhig 'dir 'ong ste / /
dbang po dul zhes bya ba sgo na 'dug /
dbang po dul ba gzhan yang yod kyis su yin / the tshom bcad dang / 'gyod pa med dang / zla sgur zhes smras pas sgo phye ste / nang du zhugs so / /
de nas grags pas rgan rims su tshe dang ldan pa dag /
a la la'i rung ba rung ngam / zhes sogs sngar bzhin las [B:88b]dge slong kha cig ces ming ma phyung bar bzlas te / rab tu spyod de de bdag cag gis dor bar bgyi'o / /
zhes gzhi bcu rgyas par brjod nas / de dag gis kyang yang dag par brjod nas / phyir byung nas gaND'i brdungs te / yangs pa can gyi dge slong rnams bsdus te / rgan rims su yangs pa can gyi dge slong zhes ming phyung ste / gzhi bcu rgyas par [C:131]brjod de thams cad kyis de dag bdag cag gis dor bar bya'o / /
zhes brjod pas bdun brgyas yang dag par brjod pa zhes grags so / /
de ltar na dgos pa rung min gzhi bcu bsal ba'i phyir / dus ston pa 'das nas / lo brgya dang bcu na gnas yangs pa can gyi ku sma pu ri'i gtsug lag khang du sbyin bdag chos rgyal mya ngan med kyis byas te / dgra bcom pa bdun brgyas bsdu ba gnyis pa byas so / /