[A:99a]bsdu ba gsum pa ni / lung na med pas mi mthun pa ci rigs su snang ste / kha cig ston pa 'das nas lo brgya dang sum cu rtsa bdun lon pa na / rgyal po dga' bo dang / pangma chen po zhes bya ba byung bas / grong khyer skya bo'i phur gnas brtan 'od srungs chen po dang bla ma la sogs bzhugs pa'i dus su bdud sdig can bzang po zhes bya ba dge slong gi cha byad du byas nas / rdzu 'phrul sna tshogs bstan te / dge 'dun rnams phye nas bstan pa dkrugs te / de'i tshe gnas brtan klu'i sde dang / yid 'ong gi dus su sde pa so sor gyes nas / lo drug cu rtsa gsum na gnas brtan gnas ma'i bus bstan pa bsdus so zhes zer ro / /
kha cig ston pa 'das nas lo brgya drag cu na / grong khyer me tog gis rgyas pa zhes par rgyal po mya ngan med byung ba'i tshe / dgra bcom pa rnams legs par sbyar ba dang tha mal ba dang / zur chag dang / sha za'i skad kyis / ston pa'i gsung rab 'don pa las / slob ma rnams so sor gyes pas sde pa bco brgyad du gyur te / grub mtha' mi mthun pa sna tshogs kyis bstan pa dkrugs pa na / dgra bcom pa dang so so skye bo mkhas pa rnams dza lan dha ra'i dgon par 'dus nas bsdus te / de tshe ston pa 'das nas lo sum brgya lon zer te / nga 'das nas lo brgya na / grong khyer skya nar gyi bu mu ra'i rigs su rgyal po mya ngan med ces bya ba 'byung ste / nyin gcig la nga'i sku [B:89a]gdung gi mchod rten brgyad khri bzhi stong byed par 'gyur ro zhes / snying rje padma dkar po las 'byung ba dang / 'od ldan nas / de nas rgyal po dharma a sho ka shi ba dang / dgra bcom pa rnams kyis tha mal ba dang / zur chag pa dang