[A:99b]bar mar 'don pa'i tshig la mngon par zhen pa gdul ba'i dbang gi phyir / rim gyis gzhung gzhan dang gzhan du sbyar te / rgya chen po'i skad du sbyar ba'i mdo sde la sogs pa lta bu ste / bstan pa rnam pa bco brgyad kyi bar du gyur pa yin no / /
zhes pa dang cung zad 'gal lam snyam mo / /
kha cig dgos pa ni gyes pa bco brgyad bka' ma yin pa'i dogs pa bsal ba'i phyir / dus ston pa 'das nas lo sum brgya na / gnas kha che'i yul kun pa na zhes bya ba'i dgon par / sbyin [C:132]bdag dza lan dha ra'i rgyal po ka ni kas byas te / sdud pa po purNi ka la sogs pa dgra bcom pa lnga brgya / ba su mi tra la sogs pa byang chub sems dpa' lnga brgya / so so skye bo'i paNDi ta nyis brgya lnga bcu'am / khri drug stong 'dus nas zhal ton du mdzad de / bco brgyad po thams cad bkar bsgrubs so / /
de la sde pa'i gyes tshul la / bha bya na re rtsa ba phal chen dang gnas brtan pa gnyis yin zer ro / /
kha cig rnam par phye ste smra ba dang gsum yin zer ro / /
gzhi yod smra ba na re / bsdu ba gnyis pa'i bar du gzhi thams cad yod smra gcig pu las med pa la / de rjes nas skad tha dad kyis 'don pas bcu bdun te / gyes pa ni bstan pa min te / sdoms kyis ma bsdus pas 'dul ba la mi snang / don phan tshun 'gal bas mdo sde la mi 'jug /
tshig gi don gzhan du ston pas / chos nyid dang mi mthun pas bka' min no zer ba la / gyes pa bcu bdun gyi gzhung bka' yin te / tshul khrims ston pas 'dul ba la snang / lhag pa'i sems ston pas mdo sde la 'jug /
[B:89b]myang 'das dang mthun zhing lhag pa'i shes rab ston pas chos nyid dang mi 'gal ba'i phyir ro / /
chos thams cad bdag med pa la sogs pa'i phyag rgya gsum gyis btab pa'i phyir dang /