[A:100a]sangs rgyas kyi gsung don kho na gtsor bzhed pa'i phyir dang / dgra bcom pa rnams kyis rnam par dbye ba mdzad pa'i phyir dang / de dag kyang sangs rgyas kyi byin rlabs las byung ba'i phyir dang / rgyal po kri ki'i rmi lam bshad pa'i mdo las / rgyal po chen po khyod kyis rmi lam du mi bco brgyad kyis ras yug 'dren pa mthong ba de ni / sh'akya thub pa'i bstan pa rnam pa bco brgyad du gyes par 'gyur la / de'i rnam par grol ba'i ras ni / gyes par mi 'gyur ba'o zhes gsungs pas bkar bsgrubs so / /
dul lha dang lo dri mkhan pos rtsa ba'i sde bzhir 'dod de / dul lhas / shar dang nub dang gangs ri dang / /
'jig rten 'das par smra ba dang / /
brtag par smra ba'i sde pa rnams / /
lnga tshan dge 'dun phal chen pa / /
gzhi kun pa dang 'od srungs sde / /
sa srung sde dang chos srung sde / /
mang thos gos dmar slob ma dang / /
rnam par phye ste smra ba'i sde / /
thams cad yod par smra ba yin / /
rgyal byed tshal gnas 'jigs byed gnas / /
gtsug lag khang chen gnas brtan pa / /
sa sgrogs ris dang srung ba pa / /
gnas ma'i bu yi sde rnams ni / /
kun gyis bkur ba rnam pa gsum / /
yul don slob dpon bye brag gis / /
tha dad rnam pa bco brgyad 'gyur / zhes 'byung ngo / /
lo dri mkhan po ltar na phal chen sde la drug /
yod smra la bzhi / mang pos bkur ba la lnga / [C:133]gnas brtan pa la gsum du 'dod de la phung po skye khams gsum mam / dus gsum thams cad rdzas su yod par smra bas thams cad yod par smra ba / ya rabs las 'jig rten gyi chos lugs 'byung ba bzhin du / saM skri