[A:10a]gsum nam mkha' la 'phur ba ltar / byang chub gsum gang zag gi bdag med dang gzung ba bdag med pa dang / bdag med gnyis ka rtogs pas 'thob bo zhes gsungs so / /
de mya 'das dang chos mthun pas 'jig rten las 'das pa'i mngon brjod ces bya ste / myang 'das las chu bo chen po bzhi rgya mtshor bab / 'bab gzhol ba de bzhin du chos thams cad mya ngan 'das par bab / 'bab gzhol zhes gsungs so / /
IID. bzhi ba dbye ba la / rtogs pa dang / lung ngam / yang na a. 'bras bu'i chos / b. sgrub pa'i chos / c. bshad pa'i chos gsum mo / /
IIDa. dang po ni / mya ngan las 'das pa ste rgyu dang bcas pa'i sdug bsngal thams cad nye bar zhi ba mtshan nyid do / /
de yang zhi ba bdun te / skye ba / rga ba / 'chi ba / phrad pa / bral ba / 'dod pa ma 'byor ba / phung po'i sdug bsngal zhi ba nyid do / /
yang na rtag pa bzhi ste bsags pa dag ni mthar zad 'gyur / /
lus ni tha mar 'jig par 'gyur / /
'du ba'i mtha' ni 'bral bar 'gyur / /
srog ni tha mar 'chi bar 'gyur /
zhes mi rtag pa bzhi las jlog pa'o / /
IIDb. sgrub pa'i chos ni / lam ste 'bras bu'i chos de thob par byed pa'i yon tan phun sum tshogs pa'o / /
de yang phun sum tshogs pa bzhi ldan te / 'dis mya ngan las 'das pa'i grong khyer du phyin par byed [C:13]pa yin gyi / 'khor ba'i grong khyer du phyin par byed pa ma yin pas yod pa ma yin pa dang / myang 'das dang 'brel bas bar ma chod cing mi 'gyur bas rgyun mi 'chad pa dang / 'dod chags la sogs pa'i chom pos mi 'phrog pas gnod pa med pa dang / chos la dga' ba'i zas dang