[A:100b]ta'i skad kyis brjod cing sde pa gzhan gyi chos lugs 'byung ba'i gzhi yin pas / [B:90a]gzhi thams cad yod smra'o / /
mkhan po rgyal rigs bslab pa la gus pa'i mchog sgra gcan zin bzang po / /
skad saM skri ta'i skad snam sbyar snam phran nyer lnga pa nas dgu pa yan chad la rtags ud pal dang pangma dang rin po che dang shing lo 'byung ngo / /
dge 'dun phal chen pa ni dge 'dun yang yin la / /
de nyid phal che ba yang yin pas / dge 'dun phal chen pa / mkhan po bram ze sbyangs pa'i yon tan gyi mchog 'od srungs chen po / /
skad tha mal ba'i skad / snam phran nyer gsum nas bdun yan chad rtags dung ngo / /
skye bo mang pos bkur ba'i slob dpon gyi lugs ston pas kun gyis bkur ba / mkhan po dmangs rigs 'dul ba 'dzin pa'i mchog nye ba 'khor / skad zur chag pa a wa bhraM sha'i skad / snam phran nyer gcig nas lnga yan chad rtags me tog so rtsi ka'o / /
gnas brtan pa ni gnas brtan 'phags pa'i rigs yin par smra bas gnas brtan pa / mkhan po rje rigs mtha' 'khob 'dul ba'i mchog k'a ty'a ya na / skad 'bring du 'don pa / snam phran dang rtags / mang pos bkur ba dang mthun par grag go /
kha cig / phal chen pa skad 'bring du 'don pa'i skad / kun gyis bkur ba tha mal ba'i skad / gnas brtan pa zur chag tu 'dod do / /
de ltar bco brgyad po lta ba'i khyad par che zhing / ston pa'i bstan pa yin te / ji skad du / lta ba'i bye brag 'ba' zhig gi /
rgyu yis 'di dag tha dad byas / /
ston pa tha dad yod ma yin / /
zhes pa dang / sh'akya seng ge'i bstan pa ni / de ltar dbye ba bco brgyad du / /
'gyur te 'gro ba'i bla ma de'i / /
sngon gyi 'phrin las nges