[A:101a]pa yin / zhes so / /
de ltar bsdu ba gsum pa byas nas / so so skye bo gzungs ma thob pa rnams bka' lhag chad du 'don pa las / [B:90b]thub pa'i gsung mi nyams par bya ba'i phyir / glegs bam yi ger bkod kyi / de yan chad blo la 'don gyi yi ge med zer ro / /
kha cig de mi 'thad de / 'jam dpal rtsa rgyud las / ma skyes dgra'i bu u pa zhes bya bas / sangs rgyas kyi gsung rab rnams yi ger 'dri bar 'gyur ro / /
zhes bshad pa'i phyir ro zhes zer ro / /
gzhan yang dri med 'od las / bcom ldan 'das yongs su mya ngan las 'das par gyur pa na / sdud par byed pa po dag gis / theg pa gsum glegs bam [C:134]la bris te / zhes gsungs pas sngar yang bris sam snyam mo / /
IVAcc1b2c3a4b5. gnyis pa theg chen gyi lugs ni / rgyal po'i khab kyi lho phyogs bi ma la swa bha wa zhes pa'i ri la rgyal sras 'bum phrag bcu 'dus te / 'jam dpal gyis mngon pa / byams pas 'dul ba / phyag na rdo rjes mdo sde bsdus so zhes grag go /
rtog ge 'bar ba las kyang / theg pa chen po sangs rgas kyis gsungs pa yin te / rtsa ba'i sdud par byed pa po kun tu bzang po dang 'jam dpal dang gsang ba'i bdag po dang / byams pa la sogs pa rnams kyis bsdus pa'i phyir ro / /
bdag cag gi rtsa ba'i sdud par byed pa nyan thos nim yin te / theg pa chen po'i gsung ni de dag gi yul ma yin pa'i phyir ro / /
zhes 'byung ngo / /
'bum tig tu'ang phyag na rdo rje ni sangs rgyas stong gi bstan pa sdud pa por gsang ba bsam gyis mi khyab par bshad cing / phyag na rdo rje dbang bskur ba'i rgyud las kyang / phyag rdor sdud pa por bshad pas / phyag